انا الله يسلمكم في الاسبوع ال 19 يعني في ثالث اسبوع من الخامس .. حاليا قاعدين انسوي صيانة للبيت فانا امشي وايد وايد … يعني مثلا قبل امس مشيت يمكن 3 ساعات تقريبا و كم من يوم قبله مشيت نفس المدة تقريبا و في الدوام امشي ساعة تقريبا يوميا و انا اداوم من الساعة 7:30 لين 2:30 … ريلي يقول لي اذا تميتي على هاي الحالة بتربين في السابع :1 (2): و انا اقول له المشي زين للحامل … انتوا شو رايكم يا بنات و اللي ربت في السابع حست باي اعراض و هي في الخامس و الا لا عادي
بسم الله عليج الغاليه بس ما اظني فيها شيء بس لا تتعبييين نفسج وايد لانج بتخسرين طاقتج الي انتي لازم توفري منها اشوي للولاده وخالتي نفسج تمشي وايد وتقول انها مرتاحه ونا يوم قريت موضوعج سالتها قالت ما تحس بشيء وهي الحين في الشهر السابع بس اتقولج لا تتعبيين نفسج واول ما تحسين بتعب لازم ترتاحين والله يسهل عليج وعليها وتقومن بالسلامه
مشكورة حبيبتي خوله الشحي على ردج و الله يقومنا بالسلامة ان شاء الله …
المشي زين حق الحامل بس في اخر شهرين بعد في الشهر التاسع اوقات يقولون بس في باقي شهور الحمل من الافضل انج ما تمشين وايد يعني 3 ساعات وايد لانه المشيمه يمكن تنزل فحاولي كثر ما تقدرين انج تخففين من المشي
انا اعرف انا المشي زين بس بالشهور الاخيره … اختي لا تعبين عمرج الله يقومج بالسلامه
المشي زين فالشهور الاخيرة .. الخامس بتتعبين فيه . حاولي تريحين عمرج ..ولا تمشين لاحقة عليه .. لانه عادي فالخامس المشيمة مع كثر الحركة تنزل .. بشوي شوي على عمرج .. ومن ادشين نص الثامن ويبدا شهرج .. امشي كل يوم نص ساعه او اكثر.. بس حتى فالتاسع لا ترهقين نفسج ان حسيتي بتعب وقفي على طول .. الغرض من المشي انج تساعدين نفسج عالولادة مب العكس
والله يوهنها عليج
"الحركه بركه "
بس الواحد لازم ما يجهد نفسه اكثر من طاقته ..
تحركي بس بحدود واذا تعبتي على طول ارتاحي