السلام عليكم ورحمة الله وبركاته
شخباركم خواتي
كتبت هالموضوع وانا في امس الحاجه
اختي الصغيره عمرها عشر سنين كانت تلعب ويا خوانها الصغار
ويتها ضربه قويه على فمها بالحديد شلت ضروسها كلها العلويه وعندها الحنك تضرر بس الحمدالله
الدكتور اللي مسكها فالمستشفى ما قصر عالجها وخيط الجرح ونحن ننتظر يلتأم الجرح فالحنك
البنيه توها صغيره بس الحمدالله على كل حال وما بنعترض على رب العالمين، بس الحين المشكله عندها فالأسنان العلويه ما تم غير كم ضرس فوق وللأسف ضروسها طاحو قبل وطلعوا اليداد فمستحيل الحين يطلعون مره ثانيه، والدكتور قال انه محتاجلها زراعه اسنان بس بتكون بعد ستة شهور،
نحن مب حابين نضيع الوقت في هالست شهور
فممكن حد يدلني على عيادة اسنان زينه لزراعه الأسنان سواء حكوميه او خاصه وادا تغطيها بطاقه ثقه ولا لأ وتكون في إمارة أبوظبي ..
البنيه صغيره وما نبا نبهدلها في العيادات والمستشفيات، فاللي مجربه للأمانه، أبي حد مجرب دكتور لطيف وصج ارتاح وياه ومقتنع من الزراعه
ادعولها بالشفاء والصحه خواتي
الله يشافيها و يعافيها
لو تكتبين الامارة عسب البنات يفيدونج
الله يشافيها ويعافيها يارب
الله يعينها ما اتخيل كيف الالم اللي حست فيه من الضربة
اتمنى تحصلون احسن وافضل عيادة
لو في مجال ودوها برع للعلاج
الله يعافيها مسكينه ما تشوف شر
ان شاء الله البنات ما بيقصرن
يا ربي ><"
الله يعينها على الألم .. ماروم اتخيله
ربي يشفيها و يعافيها و ان شاء الله البنات ما يقصرن 
الله يشافيها ياااااااااااااارب
لو احسن تعالجونها برع البلاد
يكون افضل