بسم الله الرحمن الرحيم
طبعا المكتوب مبين من عنوانة .. عزيزاتي بنات المنتدي ادري طولت الغيبة بس تعرفون تغير الجو الي حاصل هل كم يوم اثر علي وعلي غير … المهم حبيبتي … بغيت ايبلكم شوي كم وصفة استخدمها لعلاج هاي العراض او بل اخص نقدر نخفف من تأثيرها علينا …..؟
اولا : لزوم يكون عندج في البيت بــــــــــــــابونج +زعتر+نعناع + زنجبيل؟
طبعا: الطريقة معرفوه لكل واحد فيهم ..تفورين ماي بواحد من هاي المحتويات .. وتشربينة .. انا افضل في البداية يكون بابونج .. واذا يتج حرحرة في الحلج اشربي زنجبيل و دفي جسمج اذا بردانة .
ثانيا : في بداية الاحتقان : روب + ثوم + ملح +وليمون؟
تحطين هذيل المحتويات كلهم في بعض وتخلطينهم والثوم يكون فص واحد لاغير .. مشاء الله هاي اعتبرها مضاد حيوي صراحة من تاكلينة تصبحين اليوم الثاني بخير وخف الاحتقان علي طول.
وثالثا : الي حابة تزيدنا من خبرتها حياها والله يكتبة في ميزان حسناتها .
اتمنا دوام الصحة والعافية للجميع وبتوفيق
يزاج الله خير الغاليه
موضوعج فعلا ياه في وقته
الله يشفي الجميع ويعطيج الف عافيه .
انا عيالي فيهم زجام من هالزجام الثجيل والوصخ وكحة وهم رقود
شو الحل ويا هاليهال احس الزنجبيل او الثوم والليمون ثجيل عليهم وما يتقبلونه
ظنج الفكس احسن شي
يزاج الله خير يالغاليه
علاااج حلووو بس الثوووم بيعطل السالفة ..
يزاج الله خير الغاليه
والله انا من خمسة ايام هلكانة من الزكام والبلاعيم والحين الكحة
والمشكلة عديت ولد اخوي عمره سنة المسكين يعاني
الزنجبيل البودره مع العسل وايد مفيد وعن تجربه