السلام عليكم خواتي ربات البيوت والموظفات المتزوجات والآنسات … والله صاكه فيني الدنيا خواتي .gif "12 (98)")
… انا مديره على موظفين شباب ومب قادره اسيطر عليهم .gif "12 (41)")
… يتاخرون الصبح واذا شرفوا الدوام شوي والا ظاهرين ( وبدون ما يخبروني ؟؟؟) … عادي بعد يطلعون اجازة وانا خبر خير … اخلي موظف البداله يحرق موبايلاتهم ولا يردون … خصمت عليهم عطيتهم انذارات… ما شي فايده … ولو اشتغلوا بدون تركيز واحنا شغلنا كله ارقام يعني صفر واحد زياده رحنا فيها .gif "12 (24)")
… تخيلوا ايلس لين العصر يوميا اخلص الشغل وهم شخطوا البطاقه وروحوا .gif "12 (57)")
… احس حياتي كلها شغل ف شغل … ما عندي وقت لولدي ولا وقت للمناسبات الاجتماعية … حتى ربيعاتي خذني الدوام عنهم … يوم ارد البيت الشغل يكون معاي … وانا اسوق السياره كم مره بغيت اسوي حادث لاني كنت سرحانه ف الشغل .gif "12 (76)")
… مب قادره ارقد … لانه في مسئول فوقي وهو دايما يحاسبني على الشغل المتاخر … كل حد يقولي استوالج سواد تحت العين … والله تعبانه نفسيا … وايد افكر اغير مكان دوامي … بس المشكله انه مكان حساس وله مستقبل … حاليا افكر اغير الموظفين … بس بعد افكر بضطر اني اعلم الموظفين اليداد من البدايه … ريحوني بحل .gif "12 (29)")
الله يريحكم … اتريا ردودكم على احر من الجمر .gif "12 (1)")
الظاهر انهم مستظعفينج احسن سي انج اتغيرنهم وتتعاملين من اليداد من البدايه بشده وحزم وتعلمنهم كيف يحترمون شغلهم حتى لوكنتي بتتعبين اوياهم في البدايه بس تتعبين شوي احسن من انج تتعبين دايما
الله ايعينج
الله يعينج
كل الشباب جيه حالتهم مايبون يشتغلون نفس الشي عندنا في الدوام ويتججزن ورانا جامعه علينا امتحان والله مادري ليش يكملون دراستهم يوم هم مايبون اطبقون اللي درسوه ؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!
الحل تغيرينالموظفن الي تحتج …وتتصلين في مدير قسم HR وتبلغينه بالي حاصل عندج وتقوليله ماباهم عندي … وابي موظفين يداد كفء…. ومدير HR هوه يتصرف معاهم …وايضا لازم تبلغين مديرج بالي حاصل ….لانه اي شيء بيصير بينعق اللوم عليج … فلازم تبلغينه ولا تستكتين ….الغلطالسكوت … لا تقولين حرام ولا غيره … الشغل شغل ..واذا هم متساهلين بالوظيفه ..ترى الوظيفه هاي 100 شخص غيرهم يتمنها…وسوي الي عليج من خصم وانذارات .. وبلغي المدراء عنهم وخلهم هم يتصرفون وانتي سوي شغلج الي عليج بس … واذا حد قال وين الشغل قولي الموظف الفلاني ما سوى وطرش الموظف عنده عشان يساله عن الشغل ..وبهالطريقه انتي بتحرجينهم وايد ..وبيحسون بنقصان في وشغلهم
والسموحه
الله يعينج