::أقمـــاع التمـــــر:: وبالصور

أقماع التمر…شكله روعه وغريب..يبيض الويه جدام ضيوفج .. ومرة سويته ووديته المستشفى لما أخت زوجي كانت مربية و بعد عجب اللي زاروها (( بدون مبالغة والله )) :1 (21):
ومثل مل عوديتكم إني ما أحط موضوع في الطبخ الا و أكون مجربتنه مرتين و ثلاث و عشر
المهم تقدرين تحفظينه في الفريزر مايتأثر طعمه ولاشكله أبد..
(( و على فكرة ترا الموضوع منقول )) :1 (21):

المقادير:: :22 (25):

2كأس دقيق
2كأس سميد
1 ملعقه صغيره باكنج باودر
ثلاثة ارباع الكأس
زيت ذرة ملح
كأس ماء
تمر عجوه للحشو

الطريقة:::22 (25):

*اخلطي جميع المقادير ماعدا التمر واعجينها واتركيها ترتاح ربع ساعة تقريبا..
*قطعي العجينه كور صغيره,,وكذلك قطعي التمر كور صغيره..الحين نجي لطريقة اللف
والحشو..
*افردي كل كورة عجين بالنشابه..وافردي كل كورة تمر ايضا..وانا اقولكم انا شلون افرد التمر
عشان مايلصق وكل واحده تفرد التمر حسب الطريقة اللي تريحها بس أهم شي بالنهاية يطلع
مفرود على شكل دائره ومتساوي..
المهم طريقتي في الفرد..جيبي كيس نايلون اللي نحفظ فيه اللحم بالفريزر تعرفونه..قصيه
وخليه يصير قطعتين منفصلتين عن بعض..وادهنيهم بزيت..حطي قطعه من الكيس على الطاولة
وحطي بوسطها كورة تمر وغطيها بقطعة الكيس الثانية وبعدين افرديها بالنشابة أو فراده
العجين الحديد أسهل وأسرع(اللي تجي قرصين حديد ونحط العجين بينهم وبعدين نضغط بذراع
((( بس يا بنات أنا أستخدم النشابة الخشب يعني طريقة الفرد العادية )))
وإذا انفرد التمر أزيلي قطعة الكيس اللي فوق وتطلع لك قطعة التمر بسهوله ومفروده وشكلها متساوي
*جيبي قطعة عجين مفروده على شكل دائره وحطي فوقها التمر اللي فردتيه ولفي العجين مع
التمر مثل السويسرول..مع ملاحظه إغلاق جوانب العجينه يعني تقريبا يطلع شكلها مثل الكبة ..
*اقليها بالزيت..وخليها تبرد..قطعيها بالسكين الى نصفين بشكل مائل..ورشي الوجه بسكر
بودره وقدميها… (( و إذا ما تبين ترشينها بالسكر عادي طعمه بروحه لذيييييييذ أنا ما أرشه ))
ترا طعمها وشكلها جدا رائع..لايغركم كثرة كلامي ترا عملها سهل بس شرحي يمكن خلاها صعبه..
وبالهناااااااء والعافيه..
وتفضلوا الصورة

وهنا راح أضع صور لطريقة اللف فقط..تراني حاطتها بالتفصيل المملللللللللل..:22 (8):
لكن هي اكثر من سهله..
بعد مانعجن العجينه نقطعها الى كور صغيره..
1/ نفرد كل كوره بفرادة العجين الخشب (النشابة )

2/ نفرد التمر ايضا الى دائره..كل واحده تفرد التمر بطريقتها اللي تريحها,,
لكن انا هنا راح اوضح طريقتي لأنها سهله,,ومريحتني,,
نقص كيس بلاستيك الى نصفين..وندهنه بزيت..ونضع في طرفه كره من التمر,,

3/ نغطي التمر بطرف الكيس..لاحظوا اني قصيت الكيس الى نصفين منفصلين
يعني راح افرد كرتين من التمر كل نصف كيس احط فيه كره تمر واحده..

4/ اسكر الحديده واضغط عشان تنفرد التمره..لو ماعندك هذا الجهاز,,
عادي ممكن تفردينها بالفراده الخشب (النشابه) بس ميزة الحديده هاذي انها تفردها كلها بنفس السمك..وتطلع بهالشكل..:1 (6):

5/ نضع التمر فوق العجين ونمسح فوق الكيس شوي عشان تلزق التمره بالعجين ونزيل الكيس وراح تطلع التمره فوق العجينه بكل سهوله..

6/ طبعا نلف التمر مع العجين مثل السويسرول,,ونحاول ان التمر مايوصل لطرف
العجين عشان لاينحرق في الزيت اثناء القلي..

7/هذا شكلها بعد اللف..

9/نقليها في الزيت قلي عميق..

]

10/ وهذا شكلها بعد القلي

11/ ننتظرها تبرد ( عشان لاتتكسر) ونقطعها بشكل مائل..

12/ وهذا شكلها بعد التقطيع..

فديتكم والسموحة عالقصور:22 (4):