في سالفه مضايجتني وما ادري اذا هالشي عادي والا انا مكبره الموضوع،،
ريلي كل اجازاته وسنويته يسافر فيهن بروحه والا مع ربعه ولا مره خذ اجازه ويلس معنا ويقول ما يحب ييلس فالبلاد وهو عند اجازه
واحنا طبعا ما نطلع الا مره كل شهرين والا ثلاث شهور واكثر طلعاتنا تكون حق المشترى يعني مب تمشيه وتغيير جوو
والحين ناوي يسافر ع الاسبوع الياي مع انه راجع قبل 6 شهور ،،
احس نفسيتي تعبانه والله وخاطري اطلع تعبت من ضغط البيت والعيال وكل ما اقوله خاطري اطلع يقولي وين بتسيري يعني
هو للامانه ما مقصر معنا وبعد دايما يالس فالبيت بس يداوم ويرجع واحنا طبعا يالسين وياه مااشي طلعه ،،،،
تمت الموافقة
الكلمة الطيبة صـــدقة
لحقي على زوجج يختي اخاف عنده علاقة مع وحدة فالخارج لاسمح الله .
اتفقي مع زوجج يوم بالاسبوع ان تطلعون مكان يعني مثل سينما او مطعم او بحر او حديقة اماكن بسيطه ع الاقل تغيير روتين
قوليله انزين هالمره سفرنا وياك بدون ربعك
شوفي ردت فعله
اختي لا تترين منه هو يقولج يلا نطلع انتي رتبي حق طلعة وخبريه وكوني جاهزة لهالشي، وبالكلمة الطيبة والأسلوب الهادي بيقتنع إن شاء الله وانتي ادرى فيه.
لا تحطين في بالج انه يسوي شي برى ويا ربعه، وبعد لا تحسسينه انه ربعه مضايقينج وايد لأنه يسافر وياهم دوم
انتي تعرفين ان الشباب يحبون يطلعون ويا بعض اكثر من طلعاتهم ويا أهلهم، وع كل حال انتي ادرى بريلج اكيد وتعرفين كيف ممكن تقنعينه بذكاء ولطف.
والله ييسر أمورج حبيبتي
كلمه حلوه ودلع اخر الليل مع جو حلو وخبريه ان نفسيتج تعبانه وما راح نطول كم يوم وبعدها انت سافر بروحك والا ويا ربعك وان شاء الله تزين الامور
والله يحنن قلبه عليج
حبيبتي اذا تميتي ساكته ما بيتغير حالج لازم ترمسينه باسلوب حلو انه اليهال يبون يطلعون يلعبون يوم ف الاسبوع
واختاري يوم بعد ف كل اسبوع تطلعين معاه يا غدا او عشا او حتى تتمشون فالسياره بروحكم وعن السفر يمكن ميزانيته ما تسمح يسفركم تعرفين سفرات الشباب كيف يتحاطون بينهم بين بعض ويسافرون
رمسيه فديتج هو مايعرف لي فخاطرج وعباله الوضع عايبنج
الله يسعدكم انشالله