بنات انا صارلي مالجة من فترة طويلة واهل ريلي ياجلون العرس من شهر لاخر
و ويلي كل ما سالته السبب يقولي ليش مستعيلة على الزواج ماقدر اتزوج حاليا
وامه وخواته مرة قالو فعرس جدام اخت ربيعتي لوعندنا كان ولدي تزوج بس هم عندهم خير وهاي بنتهم الوحيدة مفروض يزوجونها ويسونلها احلى عرس
وبيعتي خبرتني وهي تصيح تقولي اهل ريلج مايستاهلونج ابد وخبرتني بالسالفه
قبل يومين كلمته بجدية اذا ماتباني طلقني فرد علي : بالاول ردي لي كل اللي صرفته عليج وقت الملجة
انصدمت من رده نسى العشرة كانه كان بتريا هالشي
سالته شو قصدك اللي صرفته علي مثل شو ؟
رد علي مبلغ اللي صرفته فحجز القاعه
مكياجج وفستانج وحنتج و مسكتج كوشتج ترا انا اللي دفعت ونتي بس اخترتي
وانا مصدووومه من كلامه قالي فكري وردي علي ضروري انا محتاج لبيزاتي
سالته ماتحبني ؟!
قالي بنات كلهم نفس الشي ترا احبج ماحبج كله واحد الحين تبيني اطلقج وك مابخرب حياتج
قلتله نزين انا احبك
قالي انتي شومشكلتج انا ابغي اقولج شي ماعندي لج شي مابزوجج ولابعطيج شي ولابتم عندج اصلا قبل كنت احب وحدة واهلي غصبوني عليج لان هايج اجنبيه
سالته ترضا على خواتك او باجر على بناتك؟! وكنت اصيح وقته
رد بكل بروده كل واحد وحظه انتي لاتفكرين وايد وتخربين مزاجي انا تعبان و مب ناقص وماعندي وقت اسمع كلامج وانتي بس فالحة تصيحين على شو مادري
بكل سهوله قال اللي فخاطره ولا حس فيني
قلت له ماتباني خلاص طلقني
قالي ماعندي مانع قلتلج ردي البيزات
كلمت اهلي كلمو اهله و هم ردو علينا نحن مايخصنا
بنتكم اذا تبي الطلاق انتو ردو بيزاتنا
والولد مايحبها ومايقدر يتزوجها لان هو مديون
ادري بهم يجذبون كالعاده بس ماقول غير حسبي الله ونعم الوكيل
بنات انا هو واهله ودوني السوق وقت الملجة وخدت اللي كنت ابا ماعندي ايصالات ولاشي ثاني كيف بردله
يستوي ان هو يطالبني بهالشي ؟!!
تمت الموافقة
الكلمة الطيبة صدقة
مع الأسف نحن في زمن قل فيه الرجال وهذا شكله لا فيه إحساس ولا ضمير
الله المستعان
تبين طلاق ؟؟
مع اني اشوفه احسن لج لانه بايع من كلامه احسن على بر مب عقب
لاتصيحين على مثل هذا اسمحيلي مب ريال لو ريال ماكان سوى الي سواه
اول شي سيري توجيه اسري واطلبي طلاق بضرر واحتفظي بمسجاته الي مطرشها لج
انه معلقج عسبت انه يبا طلاق منج
وهم بيحلون موضوع لاتحاتين
صلي استخاره قبل كل شيئ وروحي صلي لج ركعتين واقري قران و استغفري
و عقب كلميه قولي له انت اشتغل و يمع وخلال هذه السنه ان شاء الله نتزوج واهله اكيد بيوقفوا وياه في العرس و اندعي بقيام الليل و ربي يوفقج و يسعدج
قالوا ولد مايحبها ولاعنده فلوس وديون!!!!!!!!!!!!!!!!!!!!!!!!!!!
شكله اهله في سالفه اختي
هم داخلين ف موضوع بطول وبعرض
يبون طلاق يكون منج ويبون انج تردين كل شي له
فهمتي
قالوا لج مديون عسب تردين الي دفعه
بس ما انصحج تتعيلين
صلي استخاره وسيري توجيه اسري عسب يحلون موضوع
وثاني شي ربيعتج طلعيها من سالفه مهما كان لاتثقين في الي ينقل لج كلام
افتحي معاه الموضوع مره ثانيه
وسجلي كلامه كااااااامل
واطلبي طلاق للضرر وعندج دليل انه معلقنج عشان فلوس وهو مجبور فيج
لا تقهرين نفسج