رؤيا جزمتى السواريه السود

انا حلمت انى زى ما اكون فى جامع
زى فى مناسبه بس مش عارفه ايه بالظبط فى الحلم وانى كنت قالعه الجزمه بتاعتى السودا اللى بكعب عالى وسواريه فى الحلم المهم جيت البس الجزمه علشان ماشيين من الجامع انا وماما
الاقى فرده واحدة والتانيه لا مش لاقياها خالص فضلت ادور بين الجزم والف عليها كتير فى الحلم ومش راضيه امشى من غيرها ماما بتقولى مشش مهم خدى اى فرده تانيه البسيها قولتلها لا انا مش همشى فردة شكل وفردة شكل بردوا المهم ان مرات خالى وبنت خاله ماما قالولى مش مهم بقى البسى الجزمه البيج دى وهى بردوا كعبها عالى قوللتهم لا انا هلبس السودا مش عاوزة البيج رغم ان الجزمه البيج بردوا بتاعتى ف الحقيقه والسودا عندى ف الحقيقه بس السودا دى بتاعت المناسبات بس لكن البيج دى عاليه اه لكن للخروج
قولتللهم لا انا هلبس السودا بتاعتى وهدور على الفردة التانيه ومرات خالى ووبنت خاله ماما كانوا بيبصولى وانا صعبانه عليهم اووووى اووووى فضلت ادور وسط جزم كتير الناس قلعاها فى الجامع بس لقتها تحت كرسى او كنبه فى الجامع
جبتها ولبستها ووقفت قدامهم قولتلهم شوفتوا بقى شكلها احلى الزاى وكان لازم البس الفردتيين سوا الزاى ولبستها ومشيت

تمت الموافقه
خيرا نتلقاه و شرا نتوقاه
ان صدقت الرؤيا
الرؤيا تبشرك بتحقق ماتتمنيه و انك ستجدي الشخص المناسب
ان شاء الله و تسعدي و يسعد كل من حولك ان شاء الله و الله اعلم
عليك بالدعاء و الاستغفار