اذا ريلج ملتزم وملتحي

مساء الورد ياوردات

والله يا اختي هالزمن البنات هم يتحرشون في الرياييل
ولو ريلج ماعطاهم ويه من اول تصرف منهم ووقفهم عند حدهم جان ماوصلت للاضافات ومايندرى من وراه شو بيقولون عنه اكيد بيتمصخرون انه مطوع ويضيف بنات

ولاتزعلين ولا تضايجين ترا بهالزمن كل حد معرض لهالمواقف وخاصة الاختلاط في الدوام واي انسان يضعف

أختي , مافبه حد معصوم من الخطأ إلا الأنبياء والرسل , وكل إنسان مهما بلغ من التقى تمر عليه لحظات من الضعف , لا تحسسي ريلج أنه طاح من عينج, وزيدي أهتمامج به , وأدعي له بالهداية والثبات على الدين الحق والصلاح . الله يصلح لكم أمركم ويسخره لج. آمين

واابوييه الله يعينج على ما ابتلاج . المطوع بالذات بنخاف منه
كل شغله من تحت لي تحت وبالخش والدس لين الله يكشفه على حقيقته
انا هالنوعية من الناس ما اكهرهم ولا اثق فيهم لو يروكع جدامي اليل والنهار
ولو انا بمكانج بسير لها البنات الدوام وبشرشحهن وبلعن خيرهن جدام خلق الله
قليلات الادب اللي ما يستحن

هاي سالفة الريوق ف كل مكان !! حسبي الله عليهم ما يستحون
كيف حرمة تجرا و ترمس ويا الريال لا يخافون من الله ولا الاهل
ولا ع سمعتهم مب عادي حرام ، لازم الرياييل ما يعطونهم ويه
يمكن يستحون و ما يسوون اللي يسوونه
"علاقة الزمالة بين الرجل والمرأة لا تحل ما حرم الله"
ما عندي خبرة ، الله يهدي ريلج و يسخره لج و يهديهم !

في هذي المسائل مايخصه مطوع والا مب مطوع الريال ريال وممكن من وجهة نظره ممكن انه يتقدم لهن فامن هذا الباب محلل على عمره
بس احمدي ربج انه ملتزم لا يتعاطى ولا يسكر ولا شذوذ ولا شقق
الزوج الملتزم نعمة واذا بيفكر بيفكر بالحلال
بس انتي كلميه اذا كنتي موظفة يرضى ان يكون عندج زملاء عمل وتتواصلون بالبلاك بيري ووتناقشون مختلف المواضيع العامة او بعض المشاكل الخاصة؟؟ وممكن لو كنتي موظفة تطلبين ريوق من زميلج في العمل؟؟؟؟
ذكريه… لاتتبعوا خطوات الشيطان وهذي من خطوات الشيطان
نبهيه انه بيكون مطنزة لو انكشف،، لان اللي يلتحي يحترم عمره اكثر من غيره لانه مثاااااال لمتبعي السنة (( الله يزيدهم ويبارك فيهم))
خذيه بالنصيحة كأنج صديقه مب حرمة تغار عليه

الله يكون في عونج

فانه لا تضيع ودائعك