اتقدملي واحد، لكن ,,, تعالن شوي

مرحبا خواتي ،،كيفكم ،، ان شاء الله بخير,,
بصراحه بدخل ف الموضوع ع طول ،، انا عمري 25 سنه ، جامعية بس ما اشتغل ، اتقدموا لي كم واحد بس ما استوى نصيب ، الرفض يكون من اهلي مب انا اللي يرفض ،، ومن اسبوع تقريبا اتقدم لي واحد من الاهل هو زين نوعا ما ، بس بتقولوا وين المشكله؟؟!!
الله يسلمكن المشكله تكمن في اهله ، اهله ناس سيئيين ، ابوه ما فيه حد يمدحه يعني تقريبا اخلاقه مب زينه ، واخوانه نفس المشكله ، اخوه خريج سجون ، واخوانه البقية تقريبا جي سيئين ،، بس الولد نفسه ماا فيه حد يذمه ويقولوا هو غير عن اخوانه،،
بصراحه خواتي انا وايد محتارة ،، وعقلي وايد متشتت ،، واهلي ف البيت منقسمين فريقين قسم موافق ع الموضوع وقسم لا،، ابوي احس انه موافق لانه قال لي الريال زين وهاذيلا اهله، واخواني نصهمم موافقين ، بس امي غير موافقة وقلبها غير مطمن وما عاجبنها اسير عند هالناس ،،
وبعد فيه مشكله انه انا بسكن معهم ف البيت ،، وبصراحه اخاف ع عيالي ف المستقبل تكون اخلاقهم نفسهم،، بس ارد اقول انه الريال زين وغير عن اهله،،
خوااااتي انا وايد محتاارة ،، بليز انصحوني نصيحه حلوة لوجه الله ،، والله يوفكن يااا رب

أهم شيء أستخيري

وثاني شيء أطلبي بيت بروحك أم العيش ببيت أهله صعب بهذة الظروف واذا المعرس لا يستطيع يفتح لك بيت أرفضي بلا تردد

المشاركة الأصلية كتبت بواسطة الأحلام الملونة

أهم شيء أستخيري

وثاني شيء أطلبي بيت بروحك أم العيش ببيت أهله صعب بهذة الظروف واذا المعرس لا يستطيع يفتح لك بيت أرفضي بلا تردد

مشكوورة فديتج ع النصيحة ،، بس هو ما يقدر يفتح لي بيت ،،

استخيري وصدقيني ربش بيوجهش للصح

غلاي وين بتعيشين في بيت كل أهله أصحاب سوابق و أخلاق سيئة
صعبه تعيشين عند أهله و كل إخوانه الي مب شى أخلاقهم و أبوه في نفس البيت

ابد اختي لا توافقين الا اذا نوى يسكنج في بيت ابروحج

اذا سيئين كيف بتعيشين معاهم وايد بتتعبين استخيري والله يكتب لج الخير

هلا والله حبيبتي ..
آستخيري مره ومرتين وثلاث وإذآ مارتحتي الحمدلله توكك صغيره والعمر قدامكك ..
ومايروح الا يجيب الله اللي أزين منه ..

* أول مشاركه لي بالمنتدى لعيونكك / وآنآ من السعوديه وهذي نصيحتي لكك ,,