السلام عليكم ورحمة الله وبركاته
طبعا الكل يعرف المدارس عالابواب وانا اول مرة بودي عيالي مدرسة حكومية فالشارجة لأني كنت من سكان الفجيرة واعرف مدارسنا ومعلماتهم وناس ثقة بس من نقلت الشارجة وانا افكر فعيالي يوم بيروحون غير جيه محصلة وظيفة وبداوم تاريخ 5 /9 والله قاعدة احاتي ولدي لغب ومشاغب الله يهديه أخاف ما يشوفونه ولا يدخلونه وانتو بكرامة الحمام خاصة لو سار بروحه عادي يقعد يحاوط لين يطلع برع وما ينتبهوله وايد افكر جيه او الباص طبعا المشرفة يوم موجودة وعشر لا قلت بيب لي دريولة حرمة ثقة توصلهم لان المدرسة 5 دقايق من بناياتنا بس مب محصلة للحين شورو علي فكرت اخلي الوظيفة تولي بس ما صدقت احصل شغلة الحالة جسيفة ورانا بنيان بيت وسلفيات اللي تعرف دريول تخبرني ونصيحة منكم شو اسوي واللي تعرف عن مدرسة الخان الاساسي روضة وابتدائي زينة وأمان ومدرساتهم كيفية اسوي. اجابل عيالي وعوضي على الله على العلم أني مأجلة الدوام من قبل رمضان ولازم أداوم عقب العيد يأ الله يا كريم فرج همي انك على كل شي قدير
صلي استخارة اولا وبعدين لو محتاية الوظيفة بتساعدج والراتب بيحللج بعض المشاكل الي تمرين فيها مع الوقت وربي ييسرلج هذا رايي
ولي عودة ان شاء الله
الوظيفه هالأيام بالقوه تتحصل نصيحه لا تفرطين فيها
وولدج إن شاء اللـِـِْــہَ راح يكون فالحفظ والصون
لا حبيبتي السالفه ما تسوا تقطعين رزقج
وكل شي مكتوب بيد ربج وان شاء الله ما بيصبه شي
خلي الشغاله توصله لين المدرسة، وصي المدرسات عليه قولي لهم يشدون عليه
وخلي الشغاله تيبه من المدرسة للبيت
نصيحتي خذي شغاله اثيوبيه، شخصياتهم قويه
اما الاندونسيات وفلبينيات مب حق اليهال المشاغبين
الله يوفقج إنشالله
اببببببببببب
سبحان الله وبحمده،، سبحان الله العظيم