السلام عليكم
شحالكم خواتي ان شاءالله بخير
حطيت هالموضوع اليوم وانا صدق محتاجة لكم =(
انا من جم شهر ملجت ,وريلي كل مايزورني اييب لي هدية
واحس بأحراج وانا خذت له ساعة وبوك وغلفتهم كله بالورد وعطيته
هذا كان قبل بس الحين افكر اشتريله هديه ثانيه ,بس المشكله انا ماعرف ذوقة بالضبط
ماعرف الشباب شو يحبون احس وايد صعب . .
ياليت تفيدوني وتقولولي شو اخذ له ابا اخذ له شي حلو يستانس عليه كنت بخذله موبايل بس هو كل ماينزل موبايل اول واحد ياخذة ماشاءالله عليه طايف ع كل الفونات
ان شاءالله تفيدوني ~
خذيله عطور…اذا يحب الكشخه مثل قلم ماركه او بزم
بس لااتدلعينه من الحين بعدين يتعود … عوديه تستقبلين هدايا وتتدلعين وتتشرطين بعد استمتعي بهالفتره والله يوفقج
قلم ماركه وبوك ومداليه ماركه واذا لبس بزم خذيله ويا نظارات شمسيه كلهن نفس الماركه مثلا كارتير يتخبلون عليها هم لان ابوي دوم ياخذ منهم وحتى اخواني فاحس هالماركه هم يستهوونها وغلفيهم بطريقه غاويه وحطيهم في باقه ورد وحطي وياهم سيدي اهداءات قصايد او اي شي وانشالله تعيبج الفكره
قالولي خذيله بزم وقلـم بس ماحبيت الفكره
يعني هو اييب لي اشياء غاليه وايد
مب حلوة مني اني اييب له بزم وقلـم
حبيت فكره لعطور ~
وان شاءالله احصل شي يحبه
تسوي بزم باسماء.. وااايد روعة الفكرة و تحسينه بيكون مميز لانه البزمة باسمه
خذيله كوليكشن عطور ع ذوقج
قلم ماركة
شي غتر ماركة بعد
ممكن تاخذينله العقال المعطر من وحدة من التاجرات هني.. نسيت اسمها
ميدالية حلوة بحرفج و حرفه او باسمه و اسمج
خذيله وردة داماس الذهبية و ييبي باقة ورد كبيرة.. حطي الوردة الذهبية ف النص
اكتبيله (بيذبل حبي يوم بتذبل آخر وردة)
و طبعا آخر وردة ما بتذبل لانها من ذهب
يعني ابتكري و سوي اللي ف خاطرج
ترا الريال بيعيبه اي شي دام من حرمته و حبيبة قلبه
خلي الهدايا بس للمناسبات
وللذكري خاصه من بينكم
لان كثره الهدايا تفقد محورها الاساسي
يعني بين فتره وفتره
ممكن تااخذييلة كولكشن عطوور ومع كريمات ولوشنات..
ربي يسخركم لبعض..