مابي اسافر والسبب كروشتي .!!!

بدش بالموضوع على طول

انا بصراحه محتاره في موضوع ويا ريلى

الموضوع …. ان ريلى وافد ويبا يسافر اسبوعين عند اهله .. لين الحين مافي شي .. انا وياه اتفقنا نروح اسبوعين هناك بس بدون مانمر على اهله ومنطقتهم والسبب في ماكن سياحيه واااايد حلوه قلنا بنروح نتمشى فيها ونصيف .. لاني بصراحه من ثلاث سنوات ماسافرنا كان حمل وولاده وظروف وماقدرنا نسافر..
فاتفقت انا وياه نروح بدون مانخبر احد نغير جو بدون العيال ونرد وبخلى عيالى عن امي وخواتي .. وهو بصراحه يشوفون عيالى مثل عيالهم وعيالى متعودين عليهم..
وعلشان مااطلع من الموضوع .. انا مابيني ويا اهله الا كل خير
بس الروحه لاهل يبالها هدايا وعزايم وزيارات وخساير منا ومنهم .. ولو ان شوفته غاليه علينا واحنا نحبهم .. بس ماحبيت اضيع الاسبوعين عزايم ابااااا اتمشى ….يعني سيااااااااحه لا اكثر ولا اقل
وعلشان الميزانيه ماتسمح وايد..

السبب الاساسي لكتابتي الموضوع .. ان ريلى البارحه اتصل بامه وقالها احنا بنسافر وهي عاد طارت من الفرح بس بيني وبينكم انا ماابا اروح وبغض النظر عن الخساير انا مااحب يشوفوني لاني بصراااااااااحه (( دبدووووووووبه ) وااايد وزني زاد بالحمل كنت بعد الزواج 75 والحين (95 )
واستحي يشووفوني باللوك اليديد خخخخ مابا حد يتمسخر على خاصه ان بنات العايله عصاقيل امتن وحده ماتوصل 65
مممممممممممم
الحين شو الحل …..؟
لاتقولون مشكلتي سخيفه لاني افكر اكنسل اسافر واخليه يروح بروحه

وانا بصراحه طفرت من الدوامات وابا اغير جو
وخاصه ان الجو هناك امطاااار وبراد حلو ,,,,,

يوم اكلمه يقول لي الا هي يومين وثلاث ونروح نكشت
وبصراحه اليوم والعشر ماتفرق هو بيشوفوني بيشوفوني
وهذا الى مااباه ………؟؟؟

شو تنصحوني ….؟ ولاتقولون روحي ريجيم ورياضه هو بعد اسبوعين بيسافر

اختي المشكله ان بعد امي امس الله يهديها سمعتني كم كلمه
انتى دبه ومتينه كيف بجابليهم ومادري شو
هي تحبني وتخاف على بد صرييييحه دوووم بردودها

بعد صح كلامج انا مافي على تعليقاتهم
انا برد عليهم مافي مشكله بس باخذ بخاطري منهم بعدين ولا بصيح بروحي
وكله نكد في نكد

مااعرف شو اسوي