صباح الخير
الله لايبلينا يارب
عندي سؤال شوي حساس ويخوف ههههه
اللي
هو
ليش ماترضين ايعرس عليج ريلج ؟؟
بما اني صاحبة الفكره بجاوب
انا بصراحه اتمنى لزوجي الخير واخاف من ربي بس المشكله ان الناس بيعايروني وبيقولون اكيد فيني عيب وخلاه يفكر في غيري وبعد احساسي انه مابيعدل بيناتنا ويمكن بيتغير علي … انا اعرف وحده عرست ريلها وندمت في الاخير …
نفسج خخخخ دوم اقول لو عرس بحصل اجر لانه تزوج وحده وستر عليهاااا
بس افكر في رمست الناس حشى مايسكتون لوووول
وعقب اقول لالا اخااااف يحبها اكثر عني خخخخخ
واقول يمكن انكون انا وهيه شرات االربع
واااااااااااايد اشياء اتي في بالي
ومن عقبه اقووووووول كيف بتحمل اشوفه مع غيري
وبالننهايه اقوووووووووووول لايعرس ولا يعور راسي ,, لكن لو سواها ترا كل شي نصييب
ولين حزتها الله كريم
اختي لا تفكرين في هالشي ومابيستوي امبونها القحفيه ماتيوز ع راسين الرمسه سهله بس الله لا قال يعرس عليج عقب بتحسين بويعت القلب والقهر
المشكلة ختيه مب في الفكرة نفسها
المشكلة في الريال !
اذا الله سبحانه وتعالى يقول :"ولن تعدلوا"
للأسف الريال ما يعرف شو يعني المساواة بين الزوجات
كل اللي أعرفهم ماخذين أكثر من زوجه سواء صغار والا كبار والا شواب
ما أشوفهم يعدلون ! تكون مجرد نزوة واللي يدفعون ثمنها اليهال من الصوبين 
الوحيد ادري انه عدل بين زوجاته هو الرسول صلى الله عليه وسلم ,,
واتمنى ما يكون الوحيييد ,, يارب يكون الرسول قدوة فعلية لكل ريال وحرمة ,, ومب بس بالكلام
تسلمين عالموضوع
ذا الله رضاها لي ,, فأنا راضيــة بها
وما أفكر في السالفة عسب ما أجذبها حق مري
^_^