سيده كانت تنتظر طائرتها في مطار دولي كبير
وعشانها كانت بتنتظر كثير -اشترت كتابآ تقرأ فيه وتستفيد من وقتها واشترت بعد علبه بسكويت
بدت تقرأ كتابها أثناء انتظارها حتى صعودها للطائره
وكان يجلس جنبها رجل كان يقرأ في كتابه بعد
بدت في اكل اول قطعه بسكويت من اللي كانت محطوطه على الكرسي بينها وبين الرجل
تفأجئت الاخت بأن الرجل بدأ حتى هو يأكل
البسكويت ومن نفس العلبه اللي كانت هي تأكل منها
بدأت هي بعصبيه تفكر أن تلمخمه كف على وجهه لقلة ذوقه
كل قطعه كانت تأكلها هي من علبه البسكويت كان الرجل يأكل معها بعد
زادت عصبيتها بس كتمت في نفسها
لما بقي في علبه البسكويت قطعه وحده بس ناظرت فيها
وقالت في نفسها هذا الرجل قليل ذوق
واللي زادها قهر قسم الرجل القطعه الى نصفين اكل النصف و خلى لها النص الثاني
قالت في نفسها خلاص ما اقدر اتحمل
مسكت نفسها واخذت كتابها و راحت الى الطائره
لما جلست على الكرسي بالطائره فتحت شنطتها عشان تأخذ نظارتها
تفأجئت ان علبه البسكويت حقتها مثل ما هي مغلفه بالشنطه!!
انصدمت و شعرت بالخجل
تأكدت أن علبتها كانت في شنطتها وانها كانت تأكل مع الرجل من علبته هو !!
ادركت متأخره بأن الرجل كان كريمآ جدآ معها
وقاسمها في علبه البسكويت حقته بدون تذمر او تشكي!!
وازداد شعورها بالعار والخجل
و ما لقت وقت او كلمات مناسبه لتعتذر للرجل عما حدث من قلة ذوقها!
هناك دائما أربعه اشياء لايمكن اصلاحها
لا يمكن إسترجاع الحجر بعد رميه
لا يمكن إسترجاع الكلمات بعد نطقها
لا يمكن إسترجاع الفرصة بعد ضياعها
لا يمكن استرجاع الوقت بعد ان يمضي
عسى الله يوفقكم لكل ما هو خير لكم
وان شاء الله تستفيدون من هالموضوع
مره أنا رادة من خط فليل وظلااااام وجدامي واحد يعطيني فل ليت وعصبت فخاطري أقول شعيتنا!!
فالآخر أكتشف أني أنا اللي مشغله كشافاتي وشاعية الناس!!
لازم مانسوء الظن^^
هيه وآلله ..
موضوووع جدآآ رآئــع 
ويحمل الكثير الكثير من الدرر في طيآته
يعطيج العآفيه حبوبه !
حلو الكرم
مسكين الريال اكيد كان يقول ليش تطالعني بهالنظرات هالحرمة شكلها وايد يوعاانه ههههه
موضوع جميل
يعطيج العافية
عجبتني القصة صراحة
سوء الظن عيب كبيـــــــر ,, وسبحان الله طلع الريال خلقه أحسن منها
مووضوعج حلوو وايد
تسلمين
رروووعه صح وايد تستوي مواقف غريبه تسلمين اختيه ع الموضوع