السلام يابنات
محتاجه استفيد من تجاربكم وخبراتكم والكلام مو بس للمتزوجات
انا انسانه اغااااااااااااااااااااااااار على زوجي والمجتمع الى حولي هو الى زود نار الغيره عندي
وطبيعه العيشه في الامارات والاختلاط وبنات الحرام الى ما خلو لبنات الحلال شي ومن هذي الاسباب
قربت اجن وحاليا انا في السعوديه زياره وزوجي في الامارات وانا واثقه من حب زوجي لي بس خايفه عليه ولو مهما كان الزوج يموت في زوجته له اكيد نزوات وانا اموت ولا زوجي يطالع وحده بس او يبتسم لها
وبيتي بينخرب بسبب الغيره اش اسوي
افيدوني اخوات بتجاربكم ونصايحكم وانا كلي اذان صاغيه
الله يعطيكم العافيه
حبيبتي من حقج تغارين عليه
بس الاهم انج تكونين واثقه فيه
يعني غااري شوية وحسسيه بالاهتمام
لا تزيدين الغيره اللي تتحول الى شكوك ومرض نفسي ها بيدمرج فديتج
حاولي تسيطرين على عمرج
^^
والله يوفقج ياربي
حبوبتي حلو أنج تغارين على ريلج..و الاحلى يوم ريلج يحس بالغيرة..بس يالغالية كل شي بحدوده..
يعني غاري و بينيله غيرتج..((بس بحدود))و عطيه الثقه..و لو قعدتي تشكي فيه بتنعدم الثقة من بينكم..
اذا راحت الثقة رااااااااح كل شي..موفقـــــــة
حبيبتي اللي انتي بهـ من غيره مفرطهـ…هذآ يسمى مرض…أوكي أنآ معآج انج تحبين ريلج وتموتين بهـ بس بعد خلي مع الغيره شويهـ ثقهـ بهـ وبتصرفآتهـ…يعني انتي الحينهـ تغآرين عليهـ ومن زود غيرتج تشكين بهـ حتى بروحج قلتي…حبيبتي لو على حسب رمستج ريلج صدق يحبج ويقدرج ويعزج مآ بيفكر حتى يشوف بنت مجرد شوووفهـ من ورآآآج…واللهـ يالغاليهـ كثرت الشك والغيره الزيآده اللي مآلهآ دآآآآعي هذآ كلهـ بيوصلج لمرض نفسي اللهـ لآآآيقول…والغيره بطبعهآ تخلي الوآحد يفكر كثيييييييير ويتخيل الثآني شو يسوي الحينهـ ومع منو يالس ومع منو الحينهـ يرمس وغيره وغيره….صدقييييييني الغيره عندج بينجلب وسوآس…ومن طبع الريآيييل يحبون الحرمهـ تغآر عليهم بس بحدوووود فديتج…أرجع وأقولج بحدوود…يعني غيره تكون عآديهـ غيرت حرمهـ ع ريلهآ…يعني لآتشكين بهـ كثيييير لم يرمس بالفون ولآ لم يتأخر برع البيت ولآ لم يقولج أنآ الحينهـ مشغووول…خلي الثقهـ من بينكم متبآدلهـ…شوفي ريلج مـآ يتصرف شرآت التصرف اللي انتي تتعآملين بهـ معآآآآآآه يغآر عليج لكن من بآب الغيره الطبيعيهـ..لآ يزيد بهآ ولآ حتى ينقص….خلج وآثقهـ من حب ريلج لج ولآ تخلين ابليس يلعب بعقلج ويخليج تودين واتييبين بالأفكآر الزآيده اللي بتضيع ريلج منج وبيتج….يمكن اليوم ريلج يتونس بغيرتج بس صدقيني بآجر بيمل وبيطفر….وطريقهـ معآملتهـ معآآآآآآآآج بتتغير للأسوأ….دآآآآآم سآلفت الغيره توهآ ببدآيتهآ تقدرين تتحكمين بهآ وتحكمين عقلج وتشوفين الغلط من الصح والغيره من الشك…..يمكن بأول محآولآآآآتج لتقليل الغيره من جهت ريلج تكون صعبهـ شوي بس مع الاستمرآآآر بتتعودين…واللهـ يالغاليهـ يآآآآآآمآآآ بيوت اختربت بسبت الغيره وبلآآآآويهآ خلج أكبر من هالسوآلف…وأعقل..لآتهزج مثل توآفهـ هالأموووور…..دآم الثقهـ موجوده فمآ عليج من اليآآآآآآآآآآي…
كلنا نغار ع رياييلنا
حطي نفسج مكان ريلج
هل ترضين انه يغار بهالطريقة المرضية ؟؟؟؟؟
حبيبتي هالغيرة بتتحول لشك وبتدمر حياتج
الله يهدي الجميع لما يحب ويرضى
الله يهديج وويسخر زوجج لج دايما
السلام عليكم ورحمة الله وبركاته
غاليتي انتبهي
ترا كثرة الغيرة ( مرض )
اعطي زوجج الثقه لانه في الاخير راح يملّ
لا تيليسن تتبعين خطواته وكل شوي متصله وينك !
بيحس انج انتي ما تثقين فيه
اعطيه الثقه وبيكون قدها ان شاء الله
واذا انتي مب مقصره وياه ما بيحتاج انه يطالع برع
ينقل للقسم المناسب