شو سبب اهمال الازواج أنفسهم بعد الزواج ؟؟

ظاهره شائعه في معظم البيوت

فيه مثل يقول

(( الرجل قبل الزواج كلام رقيق و مظهر انيق و بعده حديث بحدود و كرش ممدود ))

ومثل اخر

(( المرأة قبل الزواج أنثى و بعد الزواج انسى ))

.
.

ياترى شو السبب اللي يخلّي الزوجين مايهتمون في بعض بعد الزواج و انجاب الأبناء خاصة من ناحية المظهر ؟!

.
.

ياليت كل وحده تقولنا شو برايها السبب الرئيسي لهالشي من وجهة نظرها

انا الأولــــــــــــــــى ..

هلاا مسووه ^__^

الصراحه انا بعد لاحظت هالظاهره ..

منهم واحد من خواني ..

ماشاء الله بس مب مدحاً فيه ..

لكن صج هو اكثر واحد من خواني كان كشييخ ..

يهتم بجسمه ولو طلعت له حبه في ويهه شوفي كيف .. مايخلي كريم مايجربه ..

صوابين اعداد لا تحصى لها .. حمام مغربي لااازم كل شهر إذا مب اسبوعين ..

يهتم بالنعول لازم يشتريها من محلات معينه ..

وغيره وغيره ..

لكن من تزوج ؟!

اهمل بنفسه ..

180% درجه عكس عن قبل ..

هو بشرته ابيضااني ع حمار .. الحينه صار اسمراني؟!

ومتن وااايد ..

ووايد اشياء نحن اهله مستغربين من تغير شكله المفاجيء ..

شو الأسباب ..؟؟

اتوقع ان الظروف غيرته ..

يعني احساسه بالضغط ..

من مصاريف الزوجه والعيال والبشكارة وراشن البيت وووالخ ..

صارت عنده اوليات لازم يسويها..

يعني قبل كان انسان فاضي ملتهي مع ربعه والكشخه والمغازل كخخخخ

اغلب الشباب جيه إلا ماندر منهم طبعا ..

وبعد الزوجه تلعب دور كبيــــــر في انها تخلي ريلها يهتم بكشخته ..

هذي تجربه شفتها في اخوي ..

وبس^__^

اهلا اختي

انا برأيي
الزوج او الزوجة قبل الزواج يهتمون في نفسهم ومظهرهم وااايد
لعدة امور

مابعد دخلو في الأجواء الزوجية والحياتية اللي تزيد من مشاغلهم واللي تحسسهم انه في اولويات كثيرة ومشاغل على راسهم ماتخلي عنده الوقت الكافيي للإهتمام بمظهرهم
ومنها اهتمامات الزوجة والأولاد والشغل والأصدقاء والأهل ووووو

الشي التاني
يكون قبل الزوج يهتمون بمظهرهم لجلب الأنظار إليهم وانه هو أو هي ذوق ومرتب
لكن بعد الزواج مب مهم حيل عندهم هذا الإحساس يكفي انه يكون مرتب ونظيف
مب لازم اناقة كاملة وشياكة لأنه مب مهم حيييل تصير عنده

AD Classic + أمونا

مشكورين حبايبي على الي كتبتوه .. وصحيح الانسان يمكن قبل يحب يلفت النظر بس بعد الزواج احس خلاص ..

.
.

يلا نتريا الباقي .. ^_^

.
.

من يومين أسولف ويا ماما عن هالشـــي ههههه

.
.

أقول لها الشباب قبل مايعرسون,
يشلون حديد و الجسم ولا جسم فـــارس زمــانه . . .

عقب العــــرس ,البطــن عرقـــوب . . .

جـــان تقولي :

ترا سبحان الله الزواج سكن,
والريال نفسيته ترتاح و يحس بالاستقرار فطبيعي تستويله هالتغييـــرات

.
.

والحريم قبل العرس كشخه ونعــــومه,
و عقب العرس يتحول الصوت الناعم الى صـــريخ على هالعيــال,
والكشخـــــه تنعدم لأنها تشوف الريال مب مهتم بنفسه ولا يجاملها . . .

وعاد الخليجيين يالله بالزور تطلع كلمه حلوه حق حريمهم,
فمـــا ينلامن مســـاكين

.
.

انا اشووووف مب كل الحريم يهملون في نفسهم بعد الزواج بالعكس فيه حريم من يتزوجن يتغيرن ويلبس ويصير احلي من قبل بوايد ..
وعن نفسي صراحه من تزوجت كنت اكشخ بس ريلي طفربي اونه يغار ومعاد صرت اكشخ مثل قبل بسبب الحمل والتعب وانشاء الله بعد الولاده برجع اكشخ مثل قبل واحلي من قبل …

على حسب الأسباب اللي كانت تخليهم قبل
الزواج يهتمون بأنفسهم ، يعني إذا كانوا يهتمون
فقط للفت النظر ؟ فهالشي بينتهي عقب الزواج لأنهم
خلاص تزوجوا ومافي داعي يلفتون نظر بعض ،
بس إذا الواحد من نفسه يحب يتعدل ويهتم بعمره ،
يعني هاي طبيعته ، فهالشي بيستمر حتى عقب الزواج
<—- مجربة

شو سبب اهمال الازواج أنفسهم بعد الزواج ؟؟

اترك تعليقاً إلغاء الرد