هلا خواتي ولدي عمره 3 وبنتي سنتين ونص الظهر كان عقب الغدا يوميا يقيلون ساعه يرظعون ويرقدون اما بنتي ساعتين فجاه لا واحد منهم يطيع يرقد لدرجه اظهر خيزرانه او عقال اجبرهم لان كل حد ملومني بيظعف ومب زين ولازم يريحوم تخيلو انا اصلا ينشون من 8 الصبح يوميا وانش معاهم احس تعب فمابالكم بيهال مايريحون اما فليل ارقدهم خلاص 8 ونص او 8 المسا اجباري اقول لان كارقدو الظهر وجسمهم لازم اعوظه برقدت الليل شي جداول فالنت تبين كم ساعه يرقد الياهل فليل والنهار هل هالشي عادي مايرقدون الظهر معنه صغار يقامون النوم معنه عيونهك خلاص تحمر من التلفزيون الظهر يرضع ولدي يفر المرضاعه يقول مابا انام اما كل ربيعاتي عيالهم يرقدون
عادي حبي
عندي بنوته ما تعرف ترقد طول اليوم
من وهي ياهل ويوم كانت بعمر عيالج ما ترقد ع الظهر
والحين تعودو يرقدون فليل بعد المغرب او ويا صلاه العشا يرقدون وينشون الصبح 6 ونص او 7 ويتمون واعيين لين فليل
وايد عادي الغاليه انهم ما يرقدون انا عندي ولد عمره سنتين ونص وبنت عمرها سنه و4 شهور وكلهم ما يرقدون الظهر بس يرقدون فالليل من وقت جي عالساعه 7 ونص
شو تجبريهم 
دام انهم ينامون من وقت ويشبعون ارقاد خلاص مب شرط يقيلون ولاتسمعي رمست الحريم وتخليها قانون مب كل شي ينقال صح…
خلج عادية وخليهم على راحتهم اهم شي رقاد الليل وهذول يهال فيهم طاقة لازم يطلعونها ..
عادي حبيبتي لا ترقديهم انا عيالي ما يرقدون الظهر وهم صغار بعد
الساعة 8 فالليل يرقدون بسرعة واحيانا قبل 8
بالعكس جي اريح انا اشوف
مب لازم يقيلون
اهم شي رقاد الليل
لا تجبرينهم عالرقاد الظهر احسن انهم يرقدون فالليل من وقت عسب ما يعذبونج يوم يكبرون ويروحون المدرسة، عقب لو بغوا يسهرون بسبة رقاد الظهر ما بترومين تتحكمين فالوضع.
الله يحفظهم لج