السلام عليكم خواتي بنتي عمرها سبع شهور الله يحفظها اول شي مب راضيه تشرب الحليب من المرضعة حاولت معاها بكل الطرق وما فاد غيرت لها الحليب ونفس الشي ما تباه وثاني شي النوم للحين تصحي فالليل كذا مره علشان ترضع أنا أبا طريقه تخليها تنام الليل بدون ما تصحى وإذا صحيت على الأقل مره وحده فالليل للعلم هاي اول مولود وما عندي خبرات في هالأمور فيدوني بارك الله فيكم
بترك الموضوع لأهل الخبرة الطويلة
ولدي البجر ما شاء الله عليه كان يرضع فالليل بس ما تعذبت وياه واي فالمرضعه لاني عودته من اول يوم اعطيه طبيعي ومرضعه
بس الياهل عموما من يدش 6 شهور رقاده يعتدل
حاولي معاها بالمرضعه يمكن المرضعه تحتاج تغيير أو الحلمه فالمرضعه ما تناسبها
وجربي حليب بروجرس
المشاركة الأصلية كتبت بواسطة مجنونة_uae 
حبيبتي غيري نوع المرضعة .. انصحج بتامي تابي .. أحسها أحسن حتى عن ايفينت
وهي عمرها 7 شهور .. ابدي دخلي لها الاكل .. عصير فريش اخلطيه بالماي ( عصير تفاح وايد يحبونه اليهال)
أهرسي بطاطس .. أو كوسا .. عيش ..
عطيها سريلاك مع الحليب ( بس وسعي فتحة المرضعة )
جربي
الرقاد وتنش ترضع هالشي طبيعي بنتي 10 شهور ولحد الحين تنش مرتين واعطيها حليب .. بالنسبة للمرضعه مادري انا بنتي من كانت صغيره واعطيها حليب صناعي
حبيبتي بنتج كبيره الحين قبل الرقاد عشيها وشبعيها وعقب رضعيها طبيعي مابتنش لج غير مره وعن الصناعي حاولي تيوعينها بتضطر تشربه ولدي دخلتله صناعي يوم عمره 8 شهور واستخدمي لها مرضعة تومي تيبي وايد قريبه للصدر وان شاءالله تاخذها