السلام عليكم ورحمة الله وبركاته
اشحالكم خواتي
عزيزاتي عندي مشكلة مع منطقة الحفاظ بدت مع بنتي اللي عمرها ستة شهور استوالها طفح مثل الحبوب وماطلع يخوز جربت معاها واايد كريمات بيبانثين الدوا الازرق وديكسيبان واثنين مااذكر اساميهم لين ما كان موعد التطعيم وعطاها الدكتور كريم زنك مع كاسترول اويل وخف الطفح الحمدلله لكنه ترك اثار وماطايعة اتخوز
بنتي اللي عمرها سنتين من يومين جاسها نفس الطفح حطيتلها الكريم اللي بالزنك وما فاد وكريم فطريات وصفته الدكتورة بعد مافاد مع العلم انها ما تلبس حفاظة الا اذا طلعنا مشوار بعيد
شو تنصحوني بارك الله فيكم
الله يعافي بناتج اختي
بنتي صار لها نفس الشي
حطيت لها كريم سودوكريم واحيانا احط لها كريم درابولين
ولما اسبحها او اغير لها الحفاظ اخليها لمده عشر دقايق تقريبا عالفوطه من غير حفاظ
عشان البكتيريا اللاهوائيه تموت(البكيتيريا اللاهوائيه تعيش بالاماكن اللي ما فيها هوا نفس الحفاظ)
الله يشفيهم اختي وطمنينا عليهم
اتمنى افدتج
سودو كريم زين وحاولي تغير الحفاظ كل ساعة الى ساعتين
الله يحفظهم
سودو كريم
كريم سودو واااايد زين .. بس اهم شي يوم تغسلينها نشفي المنطقه زين عشان ما تصير رطوبه .. لان الرطوبه هي اللي تسوي حساسيه والتهابات .. والله يعافيها يا رب .
الله أكبر الله أكبر الله أكبر لا إله إلا الله
الله أكبر الله أكبر ولله الحمد
اسالي الدكتور اذا بنتج اللي عمرها ست شهور يمكن متحسسه من نوع معين من الاكل