في البداية ماعرف إذا موضوعي صح مكانه ولا لا
المهم
الله يسلمكن بغيت آخذ رايكن في شي
ولدي من يوم يبته كان عادي الحمدلله, وكل شي فيه تمام, بس قبل لا يكمل شهرين ب 10 أيام بالضبط قام ما يسويها, يعني ما يبرز بروحه, خليته عشر أيام, وعقب وديته المستشفى, عطوني تحاميل, وعطوني أدوية, وديته عند أكثر من دكتور وجربت معاه كل الأدوية, مايسويها إلا بالتحميلة, شي استشاري في مستشفى خليفة قاللي عطيه التحميلة كل يوم عسب يتعود يسويها بروحه وبعدين اقطعيها عنه, وفعلا سواها مرتين, وبعد هالمرتين رجع مايسويها الا بالتحميلة, عطونا موعد عسب نسوي أشعة الصبغة, بس أنا وريلي وايد خايفين ومترددين من هالأشعة, لأن ولدي الحينه 4 شهور, ع قولتهم بندخل مادة ملونة عبر فتحة الشرج وبنراقبها كيف بتمشي في بطنه, ع أساس بيشوفون إذا شي إنسداد يعني ولا شي. أخاف تظره هالمادة, منو منكن جربت وسوتها لولدها, الله يخيلكم بنات ساعدوني, جد تعبت معاه, كل شي جربته معاه, سنوت, ماي تمر, ما شكر, أعشاب امي تسويها لي, أدوية, كل شي كل شي, ساعدوني الله يجزيكم كل خير…
الغاليه انتى ترضعينه صناعي ولا طبيعي؟؟؟اذا صناعي غيري نوع الحليب
اختي جربي برون جوس موجود بالسبينس اسالي السيلس مان بيعطونج حطي حق الولد مع الحليب كلما تعطينه بيكون كل شي طبيعي ان شاء الله
الغاليه ما ذكرتي شو نوع الرضاعه طبيعي ولا صناعي؟؟
يمكن الحليب مسبب له امساك و لازم تغيرين له
لا تتهورين و لا تعطينه تحاميل مب زينه لانه بيتعود ما يسويها الا بالتحميله و هالشي غلط
كل ماركة حليب صناعي عندهم تركيبه للامساك و تركيبه للاسهال و المغص الخ
استشيري دكتور ثاني و خليه يكتب لج نوع حليب ثاني
بس اشعه صبغه و مادري شوه…اول مره اسمع حد يسويها لبيبي صغير
الا اذا الامساك مزمن و فيه وايد فضلات في بطنه!!
الله يشفيه ويحفظه لكم هاي مشكلة الرضع يا إسهال ولا إمساك فهذا عادي بس إنتي إذا ترضعينه كثري من أكل الفواكه والمكسرات وبالذات العنب .. وإذا حليب صناعي مثل ما قالت الأخت إللي قبلي غيري الحليب وما يكون عليه ثقيل …
نفس معاناتي ولدي عمره سنتين بس نفس الوضع كان طبيعي بس فجأة صار عنده امساك من شهرين تقريبا
لاتستعيلين ع ولدج كل ياهل الحين اييه امساك ‘ شوفي اختي اذا انتي ترضعينه رضاعه طبيعيه فحاولي انج تشربين شوربه فيها باميا واااايد زينه عشان البطن وشربي كمون بعد. واذا صناعي فبدلي حليبه واخذي له ( ابتاميل كومفورت مال الإمساك ) وبترتاحين نهائي من شي اسمه امساك صدقيني عن تجربه امدحلج هالحليب. والله يعفو عن ولدج ويشفيه
*