السلام عليكم ورحمة الله
لحقوووا عليه ولدي طاح من مكان مرتفع على فجه وانطر والجرح مفووح شسوووي
من سنه صار نفس الشي طاح على حد الطاوله بس كانت الظربه في يبهته وبعد كان الجرح مفتووح وودينها مستشفى راشد بهدلونا واخرونا وعقب بس حطوله قلو ولزق تجميلي
واليوم ومن ساعتين بظبط كان افبيت عمه يناقز فوق السرير وسريرهم وايد وايد مرتفع وشكله طاح عسراميك من فوق السرير وانطر تحت ثمه انا ماكنت عندهم و يابولي اياه مفحم من اصياح وكله دمان وحطيناله ثلج ووقف الدم بس الجرح وايد مفتوح واحينه رقد من الويع انهد حيله وقالولي ماله داعي اوديه المستشفى بس اللزقه بللزق وبيخف ان شاءالله بس انا خايفه عليه
خبروني شو اقدر اسويله عشان الجرح يبرا بسرعه ساعدني ادري انكن ماتقصرن وانتن اول ناس افكر اني ارجع لهن من بعد رب العالمين بارك الله فيكن وابا اعرف وين بالقى اللزق التجميلي انا بروحي بحطله .. وادعوله بشفاء العاجل وان الله يحفظ لي عيالي نحن معثورين في كل شي ومره مب سالمين من شي
اللهم بارك لي في أولادي ووفقهم لطاعتك وارزقني برهم اللهم يامعلم موسى علمهم ويامفهم سليمان فهمهم ويامؤتي لقمان الحكمة آتهم اللهم علمهم ماجهلوا وذكرهم ما نسوا وافتح عليهم من بركات السماء والأرض انك سميع مجيب اللهم أسألك لهم قوة الحفظ وسرعة الفهم وصفاء الذهن اللهم اجعلهم هداة مهتدين غير ضالين ولا مضلين اللهم حبب اليهم الايمان وزينه في قلوبهم وكره اليهم الكفر والفسوق والعصيان واجعلهم من الراشدين وصلى الله على سيدنا محمد وعلى آله وصحبه أجمعين والحمد لله رب العالمين
ما ادري بس اذا الجرح وااايد مفتوح وديه المستشفى احسن
اذا الجرح فيه عمق ومفتوح وايد
خذيه يخيطوله او يحطون اللزق التجميلي
لانه لو ما سكر عدل بيتم يتبطل على كل دقه وبيلتهب
ما يشوف شر حطي بالج عليه حرام
إذا الجرح كبير لازم تودينه المستشفى عشااان يعقمون الجرح اقل شيء ، وهم بالمستشفى ما يقصروون يسوون الوااااجب يمكن يخيطون الرجرح لو سمح الله بعيد الشر على ولدج ..
سلامته ألف سلامة عليه وحليله ،الله يحفظه ويشفيه ..
انا مابا يخيطوله الخياطه اسوي علامه وتشوه الويه من ناقصين علامات يسد الي في ويهه قالولي اللرزق اتجميلي احسن ماتسوي علامه وايد
ادعوله خواتي لاتحرموني من دعواتكم
شكلي بوديه المستشفى كل ماشوفه دمعتي تنزل قصبن عني مب متحمله اشوفه غير ان اليرح مفتوح برطمه منتفخ ومتشمخ صوب ثمه الله يشفيه يارب
سامحيني عزيزتي
بس أقولج صدق ياقو قلبج مخلتنه ساعتين لين تنزلين الموضوع وتشوفين البنات شو يقوللج
خافي من الله في هالصبي إلا ياهل وين يتحمل الويع .. وجان على المستشفى وديه غير المستشفى الله ما كثر من المستشفيات الخاصه
ما قول غير الله يهديج ..ويشفيه ياربي.
المشاركة الأصلية كتبت بواسطة um sheikha 
بس أقولج صدق ياقو قلبج مخلتنه ساعتين لين تنزلين الموضوع وتشوفين البنات شو يقوللج
خافي من الله في هالصبي إلا ياهل وين يتحمل الويع .. وجان على المستشفى وديه غير المستشفى الله ما كثر من المستشفيات الخاصه
ما قول غير الله يهديج ..ويشفيه ياربي.
اختيه انا ماعندي حد يوديني وابوه فالكليه ودام انه رقد زين بتريا لين ابوه يرجه ويودينا
انا ادري شو بيسوون فالمستشفى لانه هب اول مره يطيح وعندي شنطة الاسعافات الاوليه وسويت له كل شي
بس الي ناقص اللزق التجميلي انا بوديه بس مابيسون اكثر من انهم يحطوله اللزق واميه بالاميه بيعطونه آدول
مشكوره ياخيه بس الي فيني مكفيني ياليت لو تدعيله بس ..