بنات متى أنسب وقت( كم عمر الطفل) لترك البامبرز وكيف تعودينه ؟؟
تقريبا فوق سن 2 السنتين بالنسبه الي لاني من يوم يوصلون عيالي سنتين وشهرين او ثلاث ابدأ ما البسهم بس كل شوي اوديهم الحمام نين ما يفهمون وبعد ما تكملين شهر ولا شهرين (ع حسب كل ياهل ) هو بروحه يقولج ابا اروح الحمام -هالطريقه الي اتبعها ومايلبسون حفاضه الا فليل نين سن 4ونصف او 5 (عاد هالخطوه بديت فيها بس صعبببببببببببه فأجلتها حاليا نين ما يكمل ولدي 4سنوات وشوي ولا 5 وبعد ما اخلص منه بطبق ع بنتي )
حبووبه من يكمل الستنين احسن عمر
انا انشالله يكمل سنتين بعوده على الحمام
انا بنتيه مكمله سنتين توها وبديت اعودها بدونه
اختي الاولى حاولت تعود بنتها من عمرها سنتين ومارامت عليها لين كملت سنتين و8 شهور بس بالليل طبعا لازم لفتره
اما الثانيه ماتعبت عمرها بطلت عن ولدها وهو عمره سنتين و7 شهور او ثمان تقريبا والحمدلله كان احسن عن بنت اختي لانه اكبر ويفهم ويوم كمل 3 سنوات بالليل ماتلبسه خلاص ..
وانا الحين عيالي عمرهم سنتين وبعدي ما افكر بتريا شوي لانهم يرضعون بعدهم
كل مارضع الياهل كل ماسار الحمام اكثر ^^
اشوف كلما قرب لل 3 سنين يكون يفهم ويتعلم اسرع