بناااااااااااااااااااات بدييت اتعالج عشان الحمل الثاني
لانني عندي مشاكل شوي فالهرمونات
بس حبيت اتخبركن وخصووصا الي عندها اكثر من طفل طبعا
انا مع ولدي حموودي
تعبت تعبت صدق
(( طبعه وايد عصبي وعنيد ووايد يزعل ولو طاح شوي يباااااااااااااااااغم ساعه خخخخخخخخخ دلع بس,, ولو ماخذ الي يريده يصارخ نفس الشيء)))
من ناحية السهر
من ناحية الاسهال والحمى والتسنين
ومن ناحية الترجيع
ومن ناحية البكاء المتواصل خلال الليل مب دايما طبعا بس كان وايد يوم صغير يصيح فالليل وبدون سبب مجرد يبا يطلع فالصاله او يشوف تلفزيون
من ناحية الاقتراب من الغاز
الثلاجه
الابواب
الدرج
كل هالاشياء تعتبر مسؤوليه كبيييييييييرة
بس فيه اشياء وايد تعلمت اتعامل معاها فالمره الاولي
مثل عرفت كيف اخلي الياهل ينام فالليل وهو بمدااعبته من العصر او من المغرب لين الليل هذا وهو نونو طبعا
بس من كمل سنه اخليه يكرف فاللعب وفالليل يناااااااااااااااااااااام نومه حلوه
وعرفت اتعامل مع الامراض البسيطه الي تمر فيه طول السنه الاولي وهي اصعب سنه
بس ماظني فيه طفل متعب اكثرمن حمووودي حبيبي
صدق صدق طبعه وايد متعبني كان بس حمدالله الحين ريال
مادري يمكن تكون غلطتي انني دلعته وايد وعلى كل صيحة اقوله شووو حبيبي
بس بتخبركن هل الاشياء الصعبه والتربيه الصعبه تتكرر مع الطفل الثاني؟؟؟؟؟؟
ما ادري والله بعدني ما جربت البيبي الثاني
الله يرزقني اخت ولا اخو حق حمودي حبيبي
بس احس انه الام تكون تعودت على هالاشياء و تتعامل وياها احسن عن يوم كانت تصير لي اول بيبي
حبيبتي، يوم ايي البيبي ان شاء الله، بتشوفين ان ولدج الاول بيرد ياهل، يعني بيسوي حركات اليهال، من عناد، و ما يطيع ياكل، و ع كل شي يصيح! لين الله يهديه! و لين ذيك الحزة، الثاني بيكون كبر، و يقلد اللي اكبر عنه في الصياح (لا، و ازيدج من الشعر بيت، بتصير منافسه منو صياحه اعلى)ههههههه!
عاد هني ايي دورج ويا ابوه! اتحملوا انكم تراوون الياهل ان البيبي اهم منه! في اي شي، بيصير فيه ضرب، بس لا تعصبون عليه، فهموه بالهداوه انه ما يصير يضربه! خلوه يحس انه مسؤول هن الصغير! عاملوه ع اساس انه صغير و تدلعونه بس في نفس الوقت، ممكن انه يتحمل المسؤوليه (يعني، خاطري دقيقه، و خلي البيبي وياه، قولي انا بسير اسوي شي و برد، و خلي عينج عليهم، يعني مو من صج اتسيرين عنهم و اتودرينهم!!)
من تحملين ان شاء الله، كلميه عن البيبي الياي، و فهميه شو يصير، و خليه وياج خطوة بخطوة! وريه صور بيبيات ع الكمبيوتر! سوي له بطاقه مكافآت! يعني! خليه يحس ان هو الكبير، هذاك صغير و محتاي منكم كلكم و هو وياكم عنايه!
ان شاء الله، الثاني ما يتعب شرات الاول! كلن و طبعه! و انااشوف الثاني يكون منفتح اكثر، و يضحك اكثر عن الاول!
الله ييسر لج عيوني، و تحملين، و تشوفينهم و هم شايلينج و انتي كبيرة!
والله بصراحة حتى انا في بالي نفس هذا السؤال
عيل ليش يقولون بعد الثاني تتحسن الامور؟!!! ويتلهون ببعض