يلي عيالهم في شويفات و كلينك !! او يلي تعرف هالمدرستين أدش ضروري

حبيت أستفسر شو أحسن مدرسة الشويفات و لا كلينك !!

محتاره بينهم واايد لولدي ناويه أدخله كيجي 2 السنه اليايه و من الحين أبا أقدم له مدري جان فتحو التسجيل ولا على شهر 2 !!

ياليت يلي عيالها فهالمدارس تفيديني نم نايحه التدريس و المنهااج و الاهم و المهم هل في واجباات للبيت ولا !!

و غير جي كل وحده تخبرني عن أسعارهم شامل الكتب و الملابس و الباص !!

ياليت تفيدووني !!

و مشكورات مقدما

أنا ولدي كيجي 1 في شويفات يوصل البيت الساعة 4 وربع والمدرسة مختلطة لاخر مرحلة

دراستهم اوكي قوية

بس المدرسة شكلها بالمره ما يشرح الصدر وانا اشوف ان البيئة التعليمية شي مهم

وبخاصة للطفل في اول مراحل عمره وما عندهم لا انشطة ولا فعاليات مثل المدارس الثانية بس

سباحة ورياضه

اما بالنسبة لغلينلغ فانتي جتي على العوق كان خاطري اسجل ولدي فيها بس تاخرت للاسف

كيجي 1 وكيجي2 يخلصون دوام الساعة 1

ومن قريد 1 لين6 يخلصون الساعة 2

وبعدين يبدا معاهم الفصل مدرسة طالبات ومدرسة طلاب

ومدرستهم تفتح النفس بيئة تعليمية ممتازة عندهم انشطة ورحلات واحتفالات بالمناسبات

ودراستهم بعد قوية لا تقل مستوى عن الشويفات

لكن حسافة كلمتهم قالوا في قرار صدر ان ما يقبلون غير الا اذا كان احد الوالدين يداوم في ادنوك

او عنده اخو في نفس المدرسة

يعني راحت علينا

وجاري البحث عن بديل

أما مدرسة الشويفات عندي الخيار الثاني لبناتي
لكن ماعرف يقبلوهن أو يدورون لي عذر

فياليت اللي تقدر تفيدنا تساعدنا أو تعرف احد في غلينغ يدخل بناتي ولها الأجر لأني مابي الاختلاط لبناتي

مافي بديل !!