استفسار عن الغشوة ،،

السلام عليكم ورحمـة الله وبركاته ،،
مساكم ربي بالخير والسرور ..

بنات بغيت أسألكم " الي يلبسن الغشوة ،،
شو أحسن محل يبيع غشوة في الشارجـة ..

أنا أبغي أفصل لي غشوة ..
لأني دورت على غشوة طويلة 3 طبقات ويكون شكلها مناسب مالقيت ..

سرت في القرية العالمية ، وفي محل أعتقد في القطرية والا البحرينية
وحدة تبيع عبي وغشوات ، يوم سألتها عن الغشوة الطويلة طلعت لي
غشوة الي فيها 7 طبقات ، ابد مب شي ماعيبتني وكان فيها كركش من تحت ..

وباجي الغشوات قصار يعني لو بلبسها تكون طول الرقبة ! " مب شي "
أحلى لما تغطي الظهر يكون الشكل مرتب وساتر ..

عسب جي ابا افصل لي غشوة ، أو اشتري غشوة من محل يبيع غشوة
طويلة وتكون 3 طبقات ..

* كل وحدة فصلت غشوة بكم يكون سعرها ؟
لأني ماعندي خبرة بسعر التفصيل ..