السلام عليكم والرحمهـ
أنا الحين خلاص بروح الكليه ورضيت بقضاء ربي وقدره
لكن أنا أبيكم تفيدوني بتخصص يفيدني
يعني انا الحين اول مابروح بكون على اساس ( العلوم الصحيه )
وسمعت ان الدراسه في هالمجال وايد صعبه
فأفكر أغير وأروح اتصالات اعلاميه
بس انا مابي ادخل تخصص وآخرتها أحصل وظيفه على شهادتي الثانويه
فأبيكم تفيدوني بتخصص سهل ومطلوب
لأني في الانجليزي مييييييييييييييح ماعرف شي أبداً
زين مني نجحت في السيبا
وعلى فكره انا دبلوم عالي .. وشكراً
انااا من تقنية دبي بس دبلوم
كييف عرفتي انج دبلوم عالي؟؟؟
هلا الغالية
اتوقع هم ايطرشون مع المسج اذا انتي دبلوم
ولا دبلوم عالي
اختي انتي شوفي ميولج وين
اكثر البنات يدشوش البزنس
انا عن نفسي تخصصي ترجمه لاني ابى اطور لغتي الانجليزيه لان الاشغال كلها تبى انجليزي
انا انصحج ادشين شي انجليزي عسب اتطورين لغتج بعد
والله يوفقج
طرشوا لنا مسج بس إلي اعرفه انه تقنيه دبي ما فيها دبلوم عالي على طول بكالريوس والدراسه تكون 4 سنين او 5 سنين
وان شاء الله بتخصص بزنس
لـــــــــرفع
اختي على حسب
يشوفون مستواج اول سمستر اذا كنتي اوكي في الانجلش يخلوج دبلوم عالي وذا نزل معدلج ينزلونج
انا انصحج دشي بزنس لانه الوظيفه بتكون مضمونه
وعن الانجلش … ترا اول سنه تكون تقويه للأنجلش انا مثلج كنت مب لين هناك في الانجلش بس في الكليه مع الممارسه بتتحسن لغتج
ودامج في كليه دبي شي تخصصات وايد دشي اعلام …. وايد حلووووو
ولا تفكرين وايد في التخصص لانج بتتخصصين السنه الثانيه مب الاولى ..
اهم شي ركزي على الفنديشن وكيف تقوين لغتج والكليه وااااااااايد حلوه وما بتندمين انج دخلتيها
واي استفسار ثاني انا حاضره الغاليه