السلام عليكم ورحمه الله وبركاته
شحالكن خواتي ؟
همم المشكله مب مشكلتي مشكله أخوي
أخوي يعاني من مشاكل وايده لدرجه كل ما يفتك من مشكله يطلعله شي ثاني تحطم نفسياً مب قادر ..
وكل ما يشتكيلي اقوله يمكن هذا اختبار من ربي يختبر صبرك فيه وهالشي من 2 ونص بدت تتحاذف عليه المشاكل
ابا اساعده مرات اقول بقوله يروح عن قاري بس اتردد واقول يمكن مافي شي أخر مره مسوي 3 حوادث ورا بعض وانا اساعده في التكاليف 
شكيت انه فيه شي
ابغي مشورتكم لانه تحططم والله
خليه يحصن نفسه بالاذكار والرقيه الشرعيه
الإنسان دوم مبتلي ،، كفارة ذنوب
اختي اذا كانت مشاكل ماديه يعني ديون ومصاريف يمكن هو مب اقتصادي او يصرف وايد
يعني شوفي ويد المشكلة عشان تحلونها
واذا مشاكل مثلا صحيه
يمكن هو مب محاسب على نفسه او شي من الله عشان يبتليه وجي
يمكن تعاملاته مب ذاك الزود مع الاهل والاصدقاء ممكن ايمانه ضعيف
او يمكن مثل ماقالت الاخت مايرقي نفسه وفي ناس حواليه يطالعونه وجي
يعني محتاج ينتبه للناحية الدينيه
خبريه يداوم على اﻷذكار أذكار الصباح والمساء واذا ظهر من البيت من يركب السيارة يعني يعود لسانه على ذكر الله .. ويكفر يمكن حالف وناسي ..
وبخصوص المشاكل اﻹنسان مبتلى يمكن رب العالمين يبتليه عسب يشوف صبره ..
ويكثر من اﻹستغفار والصدقة .. الله يفرجها عليه ويحفظه لكم ..
شلوا دبة ماي زمزم صغيره ودوها لمطوع المسيد يقرا عليها .. وخل يشربهاا
وان شاء الله تتيسر الامور وخل يقرا الاذكار كل يوم وان شاء الله خير
خليه يلتزم بالاذكار
ويحافظ على صلاته ويتصدق
الله يحفظه لكم من كل شر
المشاركة الأصلية كتبت بواسطة ماحد شراتي 
ويحافظ على صلاته ويتصدق
الله يحفظه لكم من كل شر