السلام عليكم ورحمة الله وبركاته خواتي
كيف الحال مرة اخرى؟
اعرف مواضيعي كثرت بس كلها افكار تخطر على بالي ومافي حد اقدر اقول له غير هني في المنتدى
قاعده افكر بموضوع التقدير
وهل ضروري ان الواحد يتقدر من محيطه سواء الاهل او حتى العمل او الاصدقاء ؟؟؟
يعني مثلا لو شخص قضى حياته يساعد في اهله من ناحية المصاريف بس اهله مب مهتمين به يعني مايشكرونه
او شخص قضى حياته يحسن من مستواه التعليمي بس مالقى تقدير رغم مجهوده الي بذله
او ماقطف ثمرة المجهود الي بذله
او في شخص كان يساعد في اصدقاءه بس ماحد قدره منهم يعني مايمدحونه او يعاملونه زين وعند ادنى الغلطه ينتقدونه بقوة
او شخص حاول يحسن من عيوب شخصيته الي اكتسبها يمكن من المحيط بس لا تكلل جهوده بالنجاح ويظل محط انتقاد رغم ان المسؤولية مب عليه وبس
حتى مرات في العبادات
يمكن شخص يجتهد ان يبتعد عن مصعية ولكن دائما يقع فيها او يجتهد في عبادته ولكن مايحصل ثمرة قدامه او يحس مافي توفيق له فيصيبه احباط ويقول ماتقدرت
الخلاصه
هل الحصول على التقدير او الكلمة الطيبة مهم في حياة الانسان؟؟؟ او انما تاخذ الدنيا غلابة
بالنسبه لي التقدير وااااااااااااااااااااااااااااااااااااااااااااااااا يد مهم
احب الانسان اللي يقدر حتى لو بكلمة شكرا او يعطيج العافيه ما قصرتي
لانه نكران الشي ما احبه
وفالنهاية الانسان يسوي هالشي ليرضي رب العالمين ثم نفسه
بس مثل ما قلت نحن مب بروحنا عايشين فيحتاج الواحد انه يسمع كلام طيب للتشجيع ولا غيره
يعطيج العافية
حلو الانسان يسمع التقدير من الاخرين بس اذا الاخرين ماقدروا تعبه مالازم هاذ الشي يمنعه من مواصلة تقدمه لنه ممكن الاخرين غيرة وحسد يحاولون يحبطونه ومااعطيهم فرصة لهاالشي الا اذا كان المجهود خاص لشخص فردي اني اساعد ربيعتي وبعدين ماتشكرني هاذ شي ثاني
من الحاجات الاساسية للانسان : الاحساس بتقدير الآخرين له
لكن الأهم في اعتقادي إن الانسان يقدر نفسه أكثر من أي شخص آخر
وبالتالي لابد راح يلقى تقدير , لثقته بنفسه
في بعض الأمور ما تقدرين تطلبينها مثل الحب !
عفوا بس ممكن الأشخاص المحيطين بك , لا يستحقون التقدير !
سوي خير , وفوضي أمرك لله حبيبتي 
التقدير شي وايد مهم ف حيااتنا .. سواء من ربعنا او اهلنا او اي شخص اخر
التقدير ممكن يساعدج تتحسنين للأفضل او تحسين بقيمه الشي اللي الشخص قدرج عليه
بس في ناس ما تعرف كيف تقدر او تعبر
اصعب اللحظات يوم تشتغلين او تنجزين عمل تحسينه ابهر الجميع ولكن ما حصلتي حد يقدر جهودج
او يشوف انج ماتستحقين التقدير هذا بنضرح تعرفين ليش عشان ماتوصلين لمرحلة اعلى ومايكون الضوء لافت لج انتي
ففي بعض المحيطين هم اللي يمنعون عل نفسهم وعلى غيرهم وهذا طبيعي من الحسد والغيرة ….
صح اني ازعل اذا محد قدرني وخاصة يوم اشوف نفسي صدق استحق التقدير ولكن مافي اي مقابل وعند الزوج احيانا
ما يقدر زوجته اذا تهتم بالبيت والعيال والدراسة والعمل ما يقدر الجهد اللي تبذله
بس رب العالمين هو اللي بيعطينا على نيتنا ويكفي رضاه علينا هذا اهم شي بالحياه
واذا العالم كله ماقدرني فما بينتهي بالنسبة لي لاني انا الوحيدة اللي اقدر اقدر نفسي ويكفيني هذا
يكفي شهادات التقدير المطبوعه افضل من المسموعه
مشكورات خواتي
اتصور التقدير جدا مهم في حياة الانسان بس ان الانسان يكون واثق من نفسه اهم شي يعني مايعتمد على عبارات الاعجاب