هلا بنات المشكله اني حصلت شغل في مكان ثاني و ما خبرتهم اني حامل لاني اذا خبرتهم بيقولولي (اجلبي الباب) انا مضطره اداوم في مكان غير علشان الراتب كبير بس المشكله الحين ان انا اذا بداوم عندهم و ربيت قبل ما اخلص الست شهور بيعطوني اجازه وضع و لا شو موب عارفه فيدوني ، انا زوجي متقاعد و راتبه ما يكفيني و هذا الحمل الثاني لي فعلشان جذي لازم اداوم في المكان اليديد…بس خايفه ما يثبتوني و لا ما اقدر اكمل الست الشهور ؟!!!!
على حسب المدراء اللي عندج
حسني علاقتج فييهم عدل عدل و حاولي تثبتين نفسج عشان تثبتين واللي اعرفه عندنا انهم يخصمون نص الراتب اذا قبل التثبيت عاد ما ادري عن الدوائر الثانيه
في اماكن عادي يوافقون وفي اماكن لا …
الله يوفقج ويسهل امورج يارب
الله يوفقج ويسهل امورج يارب
اللهم ان في تدبيرك مايغني عن الحيل , وفي كرمك ماهم فوق الأمل
وفي حلمك مايسد الخلل ,وفي عفوك مايمحو الزلل
اللهم فبقوة تدبيرك وعظيم عفوك وسعة حلمك وفيض كرمك
اسألك ان تديرني بأحسن التدابير وتلطف بي وتنجيني مما يخيفني
ويهمني
اللهم لا أضام وانت حسبي ولا أفتقر وأنت ربي ,
فأصلح لي شأني كله ولا تكلني الى نفسي
طرفة عين ولا حول ولاقوة الابك
اللهم صل وسلم وبارك على سيدنا محمد وعلى اله وصحبه
احسن خبريهم عسب تعرفين شو بيكون وضعج ويكون كل شي واضح جدامج..
والله يوفقج ويجدملج اللي فيه الخير..
الله يوفقج ويسهل امورج يارب