السلام عليكم ورحمه الله وبركاته
اليوم حابه اسال البنات سؤال وايد مهم خاصه لليتغشن او يتنقبن…
اذا طلبوج لمقابله عمل وانتي عارفه ان قوانين العمل في هذا المكان ما تقبل النقاب ….
تروحين منقبه او لا ؟؟؟ وليش
انا اشوف اني اروح منقبه لاني ما اعرف وين بالضبط راح اشتغل يمكن اشتغل في قروب كله بنات فما في داعي اتنقب من بعدهاااا يعني عااادي غشوتيه ع ويهي في الدخله والطلعه.. وبعد يمكن يوم يشوفون الموهلات العلميه يتغاضون عن سالفت النقاااب….
ارائكم مهمه بالنسبه لي و خلوا الكل يستفيد ….
إذا تتنقب تتنقب
إذا ما تتنقب ما تتنقب
الإنسان يتوكل على الله وما بيخيب 
اذا هي منتقبة تروح منتقبة و اذا غير ذالك تروح مثل ما هي و الرزق عند الله .
مشكورات يا الغالياااات Bellegirl و طموحي الجنة … نريد الباقي يشااارك وفعلا مثل ما قالن البنات الرزق عند الله
اذا انتي منقبه روحي منقبه والله اييسر امورج
انا بسير بنقابي وعقب بنشوف شو يصير
الله يكرمني بوظيفة زينة
فديتج مبدعه مشكورة ع الرد…