يللا تجاربكن
زوجي سوى عملية قص معدة ،،، عند الدكتور عبدالسلام في مستشفى النور
الايجابيات ،،،
نزول الوزن بشكل طبيعي يعني في الاسبوع الواحد تقريبا او كل يومين كيلو تقريبا
الاكل وجبة وحدة ،،، مجرد لقمتين او ثلاث و الباجي سوائل و سلطة
السكر يتم ثابت و لله الحمد
ودر التدخين بشكل كامل و لله الحمد هالشي كنت وايد اتمناه
الاعتماد على رياضة المشي ،،، و هالشي حبيته وايد الصراحة ،،،
سلبيات ،،،
ماشي سلبيات غير اللعان و المراجع اذا اكل اكثر عن الكمية الي تعود عليها ،،،
الموضوع احسه يا في وقته ولاني كنت ابي اسوي لي موضوع بس زين هني نجتمع وكل وحدة تقول تجربتها ونستفيد من بعض وعسب نتجنب تكرار الاخطاء
عني انا بيتكون عمليتي تاريخ 2 نوفمبر ان شاء الله بس عندي شوية عراقيل واللي هي انه ريلي وابوي مش مقتنعين للحين وغير جي انا مستعدة استعداد كاااااااامل لها التجربة وادعوا لي انه الله ييسر اموري
ولي عودة ان شاء الله
الله يوفقكم ان شاء الله ^_^
غريبه محد مشارك شكله اي وحدة تسوي تكميم ماترجع تدخل القسم هههههههه
المهم انا رحت البارحة وسويت الفحوصات بس باقي لي مال عيادة التغذية ودكتور التخدير وبسير لهم السبت الياي ان شاء الله والعملية يوم الاثنين واحس عمري متحمسة وايد وانا كنت افكر اسوي رجيم بس الدكتور قال لي ريحي جسمج الحين واكلي اللي تبيه عسب يتأهل للمرحلة بعد العملية وانا ماصدقت كأني بعد العملية ماباكل ههههههههه ووووووووبس وبعد العملية ان شاء الله بقول لكم عن تجربتي
بناات بكرة عمليتي ان شاء الله والصراحة شوي متخوفة واحس اني ابي اتراجع بس مااقدر لاني عارضت الكل وصممت على موقفي فما ابي اتنازل على اخر لحظة
دعواتكم لي بان العملية تتيسر لي وتمشي الامور بسهولة
������دشو بقلب قوي اليوم ليت نفسي ناقصة ٩ كيلو ونص من يوم العملية كانت قبل شهر