يهددني بالطلاق لأني تأخرت بالإنجاب

السلااام عليكم رمضان كرييييم بنات،،، للأسف موضعي اليوم وصل مرحله الطلاق وقلبي منفطر وأنا اكتب ،، بالعاده اكتب فقسم تأخر الإنجاب شهر عشره بدخل فالسنة الرابعة من زواجي وما يبت عيال لان عيب فيني ،،هالفتره هذي كلها كنت اتعالج فيها،،وآخر سنه ريالي تغير عليه واااايد وكله يهددني بالطلاق على أتفه الأسباب مثلا إذا مزحه وياه وكان مزحي شوي ثقيل يجرح فكلامه ويقولا انتي عقيم وما تبيين عيال ومافيا خير لا انتي ولا اهلج يغلط عليه وعلى أهلي،،، انا تعبانه واااايد ،،لا اقدر أكلمه ،،وإذا قلت شئ يعصب،،، وكل ما صار شئ يتعلك بالطلاق،، يشوفني أني تعبانه من العلاجات إبر وحبوب وتقطيع محد يعلم به غير الله ،، يقولي انا متصدق عليج أني عايش عندج،، حمدي ربج لو واحد غيري من زمان طلقج،،، ها لكلام اسمع منه شبه يومي ،،والله على أتفه الاسبااااب،، انا حتى لو فيني عيال على هذا لكلام ما بيوون دمرلي نفسيتي تعبببببببببببت كل يوم صيااااح كل يوم صياااااااح حتى فرمضان ما يشفق على حالي ،،،، أصلي وأدعي له بالهدايه والذريه ،،، وأنا ما أبا أكون مطلقه وأحاول قد ما اقدر أرضيه ما شئ فايده قلتله روح عرس بس لا طلقني،،، المطلقة عاااار فعايلتنا،، ذالني ذل بدل ما يوقف عندي ويساندني،، شو اسوييييي. خبريني أفيدوني أهل الخبرات

( رب اني لما انزلت الي من خير فقير )

الله ايسر امورج ويهدي سركم

ادعي الله في كل سجده ان ييسر لك الذرية الصالحه…ودعي الله ان يثبت قلبه وتكونين قرة عينه وقلبة

سبحان الله والحمدلله

ومثل ما قالت ام حنان الحمل له دور كبير فالحاله النفسيه
ان شاء الله يارب يرزقك بالذريه الصالحه ويرزق كل محروم

لا تتضايقين كل شي مكتوب حاولي انج تلتزمين في العلاج وما تتكسلين وخلي كل شيء على الله.

قومي لله قانتة رائعتي واشكي الحال له فوحده السميع العليم بالحال والقادر والقاهر فوق عبادة ولا تنسين الايام الفضيلة اللي نحن فيها الحين وبالاخص العشر الاواخر
فرمضان اوله رحمة فطلبي فيها الرحمة من الله واوسطه مغفرة واخره عتق من النار فكثر الداعاء في اوله حتى تنالك رحمة الله

كل شي من رب العالمين

و تخيلي اختي لو كان زوجج العقيم هل بتعاملينه بها الطريقة اكيد لا ،، حاولي تذكريه و تفتحين له قلبج ولا ترضين بالمعاير
واضبي ع العلاج بشكل مستمر و خلي املج كبير برب العالمين