السلام عليكم خواتي شحالكم
ولدي عمره سنتين وفطمته قبل شهرين عشان رمضان وجي
المشكله أنه لين الحين يبا يمص أي شي خاصة يوم برقده يبا يمص أي شي يحاول يمص رقبتي ايدي اي شي
شووو الحل
أتعود ولدي أني أرقده بالرضاعه الحين ما يرضع كيف أرقده بدون الرضاعه وبشكل طبيعي
ساعدوني
الله يحفظه لج
بس اختي يمكن انتي قطعتيها فجأه ,,
بس اذا كان يمص صبعه فيه شي بالصيدله مثل المناكير لكن طعمه مر اتحطينه ع الاظافر
ما عليه أختي شكلج قطعتيها فجأه
عسب جذيه يبا يمص اي شي مالج الا الصبر شوي شوي بيترك العاده او انج تعطينه مرضعه قبل لا ينام
هو كان متعلق فالرضاعه وااايد شكله لين الحين يفتقد هالشي
الله المستعان
الله يعينج
اكيد مفتقد الصدر
فديته هالشي طبيعي عند اليهال وقت الفطام يبالج طولت بال وصبر لانه بيتم
جي اسبوع او اكثر لين مايتعود يشرب الحليب بقلاص وينام <<< انا بنتي درجت
الفطام عندهاا قبل لاتكمل سنتين بديت اعطيها حليب فرش بالقلاص وارضعهاا مرتين احاول اشرد عنهاا
وبعد تعبت وياها وخاصه بالليل بس الحمدلله تعودت الحين
موفقه اختي
سبحان الله وبحمده