السلام عليكم ورحمة الله و بركاته
يا بنااات انا من اليوم بديت رجيم ورياضه ومتحمسه اقوى شي اني اشوف وزني بعد شهر
منوً متحمس وياي ويدخل يكتب يومياته و نشجع بعضناا ….
انا عني زاد وزني اكثر من قبل . يمكن وصل 100 ، اليوم سرت اخذ لي ميزان الكتروني اعتمد عليه … باجر الفجر ان شاء الله بقيس وزني و بخبركم و ببدا ف كتابه يومياتي .. فاللي حابه يالله تدخل وتشارك وياي …
انتظر الحماس و التشجيييع ❤️
زين اختي شو نوع الرييجم اللي راح تسوينه اكتبي عنه عشان نسوي معاج شو نوع الاكل والرياضة نبي نفهم اكثر وانا اول وحدة اشجعج والله يوفقج يارب وتوصلين للوزن المثالي يارب
المشاركة الأصلية كتبت بواسطة لونا777 
ما احب الرجيمات القاسيه …
بستخدم ف الرجيم الاشياء الصحيه مثل فواكهه و خضروات و حليب وروب خالي الدسم و مشاوي دياي و سمج وتونه …. و ببتعد عن العيش هالشهر و عن المعكرونه و عن شاي حليب ( الكرك ) و ببتعد عن المقالي … نظام حلووو واذا خاطرج ف شي من الممنوعات كلي وجبه مفتوحه بس باعتدال
كل جمعه مثلا تكون وجبه مفتوحه بس مب يوم كامل
و عشان الرياضه .. المشي يوميا ماتقل عن ساعه
و ابحثي ف اليوتيوب تمارين منوعه و تمرني
وضعط المعده اهم شي
و اشربي ماي لترين ف اليوم
و اشربي شاي اخضر كوبين الى ثلاث اكواب ف اليوم
وابتعدي عن السكر هو الدماااااار اشربي اشياء بدون سكر مع الوقت يتتعودين
واذا في خاطرج شوكلت خذي من الجمعيه كاكاو اللي يكون فيه نسبه الكاكاو المر فوق 65٪
او في محلات النيوترشن يبيعون الكاكاو للرجيم بس حبه ف الاسبوع تكفي
وبس انا هذا نظامي و انتظر التشجيع و الحماس
ماشاءالله عليج أختي .. ربي يوفقج وتوصلين للوزن المثالي ما في أحلى من الصحه وإحساس إني خفيفه ورشيقه. ..
الله يوفقج اختي وانا اشجعج بقوه انا بديت من فتره ومستمره ان شاء الله لين اوصل على الاقل 60 كان وزني 77 الحين 70 والله يقدرني اكمل
الرياضة في البداية تزيد الوزن بس سبحان الله مع الايام بتشوفين رغم انه وزنج زاد او ثابت ما نقص بس جسمج شكله متناسق والصدر يبرز والبطن يتسطح شوي
المشي ساعة مب زين اختي من البداية لو عندج مدربة بتقولج هالشي
المشي ابدي من ثلث ساعة عقب سوي سيكل ربع ساعة وعقب جهاز الاوبتراك 5 دقايق واخر شي خليج على تمارين البطن 8 مرات في 3 جلسات مع الايام زيدي شوي عليهم
ولا تنسين رياضة اليدين لان الناس تركو عالبطن والارداف وتنسى اليدين
ووااااايد حلو جهاز الخصر،،، ينحت الخصر صدق
ما اايد الريجيم خلال الرياضة،، كلي نفس اكلج بس قللي الكمية،، في اشيا لازم توقفينها مثل المشروبات الغازية والشيبس والميلك شيك والاشياء الدسمة بالذات الفاست فود صدق صدق صدق دمار للجسم والبويضات والبشرة والقلب والشرايين والجبد والكلى،،،،
حلو حلو،، شدي الهمة
حلو حلو وانا معاااااج وبقوة وزني75 وان شاءالله اوصل65