مرحبا خواتي
عندي مشكلة اتمنى من الأمهات الخبيرات في تربية الأطفال مساعدتي عشان اعرف كيف اتعامل معاها واحلها
ولدي الله يحفظه ، عمره سنتين الحينه وهو وحيدي .
بس متعلق فالخدامة بشكل غير طبيعي ، خاصة في الفترة الاخيرة
وايد متعبني هذا الموضوع ، تخيلن لدرجة انه ينش فالليل يدور عليه ويصيح صياح ويصارخ بشكل هستيري عشان يروح عندها مع اني احرص اني ما اخليه عندها طول الوقت الا فالفترة الصباحية وقت دوامي وباقي اليوم اكون معاه واذا طلعت يكون ويايه وما اخليه بروحه مع الخدامات ، حتى الصبح وانا فالدوام يكون عند الوالدة وخواتي .
فما ادري اذا كان هذا الشي طبيعي وبيتم لفترة وبعدين بيصير الامور بتكون طبيعية ، ولا انه بيستمر وما اعرف كيف اتعامل معاه ، انا وايد حنونه عليه وابدا ما عصب او اصرخ عليه لكن اخر من كم يوم احس اعصابي بدت تتلف وما اتحمل لدرجة اني مرتين ضربته ,وقلبي يعورني عليه .
انا ما اريده يتعلق بها اكثر ، بس يمكن يكون هالشي طبيعي لان ما عنده يهال فالبيت وما نتيمع الا فالويكند يعني طول الاسبوع يكون بروحه .
ما أعرف شو اسوي وكيف اتصرف ساعدني دخيلكن اخاف المشكلة تكبر وتزيد .
اممممم أكيد لأنه بروحه و يشوفها مجابلتنه 24 ساعه و محد إلا انتي و ريلج
فشي طبيعي يتعود عليها و يبا يكون عندها بس انتي حاولي تبعدينه كثر ماترومين
عيال عمتي بنت و ولد صغار بس تعلقهم فالخدامه بشكل غير طبيعي ما يقعدون معانا حتى مايعرفونا مرات
فانتي حاولي تبعدينها يلسي معاه أكثر ,,,
والله يا اختي قد ما اقدر ، حتى فالليل يوم يتم يصيح يبا الخدامة الاهيه باي والعب معاه لكن دون فايدة ، انا حريصة اني اكون في بيت هلي او اهل ريلي يوميا عشان ما ييلس بروحه
الله يساعدني ويعدي لي هالسالفة ع خير
مشكورة يالغالية على ردج
حبيبتي مزيونة شامية حياج الله ويا مرحبا بج
بس هذه مربية لولدي تشوفه في غيابي ، ومالها شغل ابدا في البيت
انا يبتها لاني منت محتاجة حد يتابع امور ولدي وقت دوامي لا اكثر .
عشان جذا هو تعلق بها .
اممممم حاسة بمشكلتك وخايف اتعرضلها بالمستقبل
عشان بنتي عمرها 8 شهور تضل مع الخدامة من الساعة 9 للساعة 5 كل يوم طبعآ بأشراف مرت أخو زوجي بس البنت بتضل مع الخدامة وقت طويل
بس لما ارجع البيت ويومين الويك اند ما اخلي الخدامة تقرب عليها ابدآ
بحس انها متعلقة فيها يعني يوم اكون الاعبها او تكون بحضني وتمر الخدامة تضل تطلع فيها لحتى تروح
وكتير خايفة من هالموضوع بس شو الحل
انا عم فكر بس يصير عمر بنتي سنة اسفرها واحيب غيرها يعني كل سنة اغير الخدامة بس المشكلة انها كتير حبوبة وطيبة صارلها عندي سنتين وقربت اتكمل السنة التالتة وخايفة اذا غيرتها ما اتوفق بوحدة متلها
والله خوفتيني اكتر الله يستر
شوفي من تجربتي والله أعلم عادي عيالي 5 يتعلقون في الخدامات لين فتره معينه وبعدها ترد الامور طبيعية عندي بنت الحين عمرها 8 شهور ونفس الشيء … بس انا متاكده انها بترد عنها خاصة ان الخدم يتغيرون من فترة لفتره …
الغالية فترة الدوام صادقة طويلة والله يسامحهم طولها اكثر بالدوائر … بس الله المستعان … بس انتي من ترجعي من الدوام لزمي ولدج ولعبيه قد ما تقدري وفرحيه ولبي له طلباته كلها كأم أنا عارفة انه صعب عليك لانك أكيد راح ترجعي من الدوام تبي ترتاحي بس حاولي …
وربي يحفظج ويحفظ الياهل … بصراحة انا لما اشوف بنتي متعلقه فيها اطمئن أشوي لان اكيد لاقيه منها اهتمام وتحبها وداريها ونفس الشيء لما تكون معاي وتمر الخادمة تصيح تبيها …
بس انتي لاعبيه قدر ما تقدرين ومشية وطلعيه واهم نقطه لما ترجعي عوديه ع الاهل عسب تتعدد عليه الوجوه ويشوف الكل وما يستغرب
الله يكون بعونج اختيه
انا عاد عكسج…ولدي لاصق فيني بسوبر جلو ههههه ومايبا حد غيري
اتمنى اتفرغ لعمري شوي مب قادره…ولو رحنا المول مثلا اخليه مع ابوه وادش على المحلات
وهو من يشوف اي حرمه متنقبه يتم يصارخ بشكل هستيري يتحراها انا.
اكيد فتره وبتعدي…بس لازم الصبر شو نسوي بعد.