ساعدوني يابنات نفسيتي وايد تعبانه تخيلو زوجي اللي احبه هددني بالطلاق ليه
لاني طردت البشكارة وياليت طلعت لا موبراضيه بهذلتها ماخليت فيها ولابقيت وماطاعت تطلع من بيتي شو اعمل انا محتاجه نصايحكم امانه عليكم انا وايد احب زوجي والحين احس ان في شي انكسر بيننا والله اقول هالكلام ودموعي بطيح من عيني ونحن اول يوم رمضان احس الدنيا سوده بعيني سبب المشكله انها قامت مالنوم شافت صحون مال الفطور وكاسات فالمطبخ وطبعا صديقاتي كانو عندي جلبت صورتها عليهم باختصار يوم كلمت زوجي قال ماتطلع مالبيت والا ماراح يجي البيت وبينهي كل شي بيننا شورايكم شو اسوي موطايقاها ولاابا اشوفها وماقدر اطلعها وللا باخسر ابوعيالي طبعا سبب تمسكه فيها لانها امينه على بنتي الصغيرة ومايثق بأحد غيرها والمشكله بيني وبين زوجي حصلت جدامها وشافت انه متمسك فيها دخيلكم خواتي شوالحل
لاحول ولا قوة الا بالله شو صار بالريايييل …؟ ! عنبو استخفوا يهد حلاله ويهددج بالطلاق عشان بشكارة اعوذ بالله
لو وحده غيرج بتقوله بالمبارك عليك اذا هو هذا هو مستواه ..!!
سفريها م بكيفها حتى لو واحد من اخوانج يوصلها المطار وريلج محد ..!! ويمكن تكون سوت له شئ تحذري .. والله يعينج يارب لاحول ولا قوة الا بالله 
عجيبه يعصب عليج عشان البشكاره الله يعينج حبوبه المفروض مايتكلم وياج جي جدامه الحين بتشوف عمرها عليج
المشكله انها موعلى اقامتنا بس نحن كلمنا الناس اللي جابوها وقالو حيسوولنا تنازل عنها برمضان وسبحان الله فجر رمضان حصلت المشكلهوييا ريللي خاطري ابلغ عليها بس ماعرف كيف عشان اخلص منها بهدوء
لازم اقل شئ تكون على اسمكم عشان لو بلغتي عليها ما يتذون الي على كفالتهم
او .. كلميهم يتخلصون هم منها قبل لا تطول السالفة اكثر .. وربي يارب يريح منها ومن شرها ويهدي لج ريلج
والله موعارفة شو اقولك اللي على كفالتهم سوو عليها بلاغ هروب بعدين خذناها نحن وكلمناهم قالولنا برمضان بيتنازلولنا عنها بعد ما حيلناهم يسامحوها لانها شردت عنهم
وللمعلوميه تراها اثيوبيه اذا في طريقة ابلغ عليها ياليت
قولي له إنج ما تأمنينها على بنتج،، و لاحظتي عليها تضرب البنت أو تهددها