السلام عليكم ورحمة الله وبركاته
شحالكن خواتي ؟؟
للي ما تعرف شهناز حسين .. هي اخصائية بشرة وخبيره فمجال الاعشاب وعندها اكاديمية في نيودلهي تخرج اخصائيات بشره بدرجة دبلوم … ومشهوره واايد في الهند خاصه عند ممثلات بوليود
… المهم عندها صفحة في جريدة the hindu للاسئله والاستفسارات … وكاتبه وصفه حبيتها واايد .. وناويه اجربها لانه ايدي اسمرت من المنظفات والغسيل ..
الوصفه تخوز سواد الاطراف وحول الاظافر ..
تاخذين نص ليمونه وتفركين الاطراف اللي تعاني من الاسمرار سواء في الايد او الريل … كل يوم
وعقب ما تغسلين المنطقه بالماي تاخذين زيت السمسم وتسوين مساج لهالمنطقه … وعقبها تحطين كريم مرطب من اختيارج وتعيدين المساج مره ثانيه يلين ما تمتص البشره الكريم … عقب تخلطين ملعقة زيت عباد الشمس وملعقة شكر وملعة عصير ليمون وتحطين الخلظه ع المنطقة وتسوين مساج وتخلين الخلطة 15 دقيقه وعقب تتغسلين بماي دافي ..
3 مرات بالاسبوع … وبتشوفين النتيجة اللي تسرج باذن الله
بحاول اترجم وصفاتها واكتبها هنيه كل ما سمحتلي الظروف
وللي حابه تاخذ كتابها اسمه Shahnaz Husain’s Beauty Book من امازون 
واذا عيبكم الموضوع ادعوا لامي بظهر الغيب انه الله يرزقها الجنه من غير حساب ولا عقاب … ولج بالمثل ان شالله
واللي تبا تنقل الموضوع تنقله بدون ما تستأذن ^.^
والسلام عليكم
شكرا فديتج ^^
عسى الله يرزق امج الجنة
ويرزقج من حيث لاتحتسبي
مشكووووووووووورة
عسى الله يرزقج ويرزق امج الجنه يارب مشكوره على الترجمه يا الطيبه
جزاج ربي كل خير
مشكووووورة يزاج الله خير
^_^
بارك الله فيج ..
ويزاج الله كل خير