. وصفات خطييييرة للشعر بالصور

هلا حبايبي شخبااركم ؟ عساكم بخير
اليوم طبعا مو مثل كل يوم اليوم يوم الخلطااات الرهيبة اللي اغرمت فيها و انا اقراها
و قلت لازم اجربها انا و بنات المنتدى و بالامانة سويت بحث في قوقل عن هالوصفاات وجداا مفيدة

و ع فكرة هالوصفات كتبتها العضوة dr.dandoosha في منتدى ثاني وجزاها الله كل خير

المهم خلونا نبدا بس ابا حمااااااااس

1- السدر

بالأرقام من الصوره راح نحتاج :ـ

1- قدرفيها ماء عشان نغلي الاعشاب
2- سدر مطحون ( راح نحتاج معلقتين كبار)
3- نعناع ناشف ( اختياري)
4- روز ماري او ما يسمى باكليل الجبل ( اختياري)
5- قماشه نضيفه
6- مصفاه
7- بخاخ فاضي

الخطوات

اولا راح انحط السدر و النعناع و الروز ماري في الماء و نحط القدر عالنار تغلي على نار هاديه جدا و ما راح اتفور بعد ساعه طفي عليها و غطيها و خليها مدة موب اقل من ساعتتين ( انا بصراحه اخليها يوم كامل )

بعدين نييب الخليط و نصفيه بالمصفى

طبعا التصفيه وحدها موب كفايه لان السدر ناعم جدا و راح اتشوفون احين شو اللي راح يطلع لما نصفيه بالقماشه
راح انييب القماش و نبدا انصب الخليط المتصفي عليها

شفتوا شو اللي طلع ؟؟ كل هذا كان راح يترسب على شعرج هوما راح يضرج بس منظره غير لطيف
بعدين الخليط الصافي راح انحطة في البخاخه النضيفه الفاضيه .

و هذا هو بخاخ السدر

تابع ….

3- شامبو الغار

1- قدرفيها شوية ميه
2- حوالي معلقه كبيره روز ماري او اكليل الجبل
3- علبة شامبو فاضيه نضيفه
4- قدرفيها ماء
5- صابونة غار ( بستخدم نصها)
6- سكينه او مقشره

راح انحط الروز ماري في الوعاء و نغليها و بعدين نصفيها و نحط اللي اتصفى في القدر اللي فيها ماي

و بعدين نبدا نبشر الصابونه بشر رفيع شرات هذا

بعدين راح انضيف بشر الصابون في القدراللي حطينا فيها قبل جي الروزماري و الماي و نحطها على نار هاديه تغلي عشان الصابون يذوووووب

شوفو حطيت شويه في طبق عشان اتشوفوا كيف صار صافي

و نبدا نملا علبة الشامبو الفاضيه
انا هني سويت اثنين عشان تنفعني لمدة اكبر

و اخيرا راح نسوي :ـ

4- الزيت

والدتي قالتلي زمان كانت اتييب زيت بارافين و خروع و تحطهم كل يوم و شعرها كان ثقيل ف يبت شويه خروع و بارافين و زيت زيتون و خلطتهم مع بعض و حطيتهم في زجاجه فاضيه

و احين يا حلوات استوا عندي :ـ

1- سبراي السدر
2- سبراي الجرجير
3- الشامبو
4- الزيت

1- سبراي السدر انا اصحى الصبح اقسم شعري اربعه و ارش على كل قسم مع تدليك خفيف و اتركة على شعري من دون غسل من دون تنشيف اتركية راح ينشف بروحة

2- سبراي الجرجير في الليل قبل ما بنام بفتره بنفس الطريقه السابقه برش على شعري و اتركة ينشف بروحة بعد

3- الشامبو انا عارفه في ناس كثير راح يقولولي اييبة من وين و اعرف انها صعبه بس لو ما حصلتي صابون الغار ييبلي اي صابون طبيعي

4- الزيت طبعا انتي ممكن تستبدليه باللي يريحك سواء زيت خس او جرجير او خروع لوحده او غيره او غيره

و شي مهمه جدا جدا جدا جدااا

لازم كل وحدة تتمتع و اهي تسوي هالاشياء , عشان ما تحس بالملل
و صراااااااحة انا وايد تعبت على هالموضوع بس صرااحة نبا وقفة جدية للاهتمام بالشعر

لا تنسوني بدعائكم الغاليات
و شكرا لكم

مع تحيات
.. سوسو ..