السلام عليكم
اليوم بحط لكم لوحه يديده .. معروضه حاليا في قرية مدهش عند اختي 3annabah
فيها طبعا الورود اللي ماستغني عنها .. وطريقة صنع الورود موجوده في موضوع سابق
واستخدمت خرامات ورق
وهالمره ضفت الأختام عشان الخلفية
والحين الصور اللي تبين الطريقة
تشكيل الخلفية باستخدام ختم على شكل كازوه زحلوفه ماعرف شو يسمونها في الامارات الباقيه
باستخدام حبر ذهبي لأنه الخلفيه لونها زيتوني غامج
تحديد الإطار باستخدام قلم glitter ذهبي
الشكل النهائي للخلفية
عندي خرامات حلزونيه من نفس الشكل بأحجام مختلفه
بس لأني بغيت أحجام أكثر .. خذت نفس الشكل وكبرته وصغرته وقصيته بروحي
ولصقت الأشكال داخل الإطار بدون تحديد .. لأني هذيج الساعه ماكان عندي شكل معين في مخي بس يالسه ألصق وطلع هالشكل
اخترت البنفسجي بأربع درجات .. طبعا اللي يعرفوني يدرون أنه ماحب اللون البنفسجي لأنه عنّابه الله يهديها كانت تارسه البيت باللون البنفسجي لين ماخلتني أكرهه .. خخخخخخخخخخخخخخ
صوره أقرب .. صفت اللون الأصفر عشان أكسر اللون
الحين الفراغات الموجوده في داخل الإطار بين الحلزونات
ترستها ورود باللونين البنفسجي والأصفر .. بعدة درجات بعد .. وصفت أشكال باللون الأخصر
وباستخدام طريقة لف الورق .. صفت الأوراق .. وباستخدام الخرامات بعد ..
وهذا الشكل النهائي للوحة
وصوره أقرب للشغل
إن شاء الله عيبتكم 
مكـــــــــــــــــــــــاني ,,,,
السلام عليكم
شحالج ..؟؟
ما شاء الله شغل فنتوكي وحلووووو وايد ما شاء الله…
خاطريه اتعلم كيف الف الورق …
نتريا كل يديدج …
ماشاء الله عليج ,, وربي انه ابدااع
الله يسلم لج هاليديااات يااارب
ولا حرمنا من جديدج يالغاليه
……………………….
ناااااااايس
المشاركة الأصلية كتبت بواسطة حنكوووشة 
السلام عليكم
شحالج ..؟؟
ما شاء الله شغل فنتوكي وحلووووو وايد ما شاء الله…
خاطريه اتعلم كيف الف الورق …
نتريا كل يديدج …
هههههه مكانج مكانج ..
أول مكان
لف الورق وايد سهل .. كل المطلوب طولة بال ووقت .. وفقط لا غير .. 
أنا واختي عنابه حاطين مواضيع وايده عن لف الورق
وجوفي هالرابط
http://www.uaewomen.net/showthread.php?t=217042
وإن شاء الله نجوف شغلج