أستغفر استغفر الله على اللبس المشكلة المكان الي هيا فيه نسبة الرجال 90% لاحول ولا قوة إلا بالله
اريد انصحها بس مش عارفة كيف أقدم النصيحه لها ؟؟؟ فكرت في كتيب شريط ؟؟؟ خبروني افكاركم كيف اقدملها نصيحه بطريقة حلوه ؟؟؟؟
ياختي تستصعبين فعلا
لان يمكن اهي راضيه او عادي عندها لا سمح الله
تقدرين تمسكينها على جنب في حزه ما يكون فيها حد ..
وتقولين لها
انا ترددت وايد اكلمج في هالموضوع .. لكن قلت احسن لي اقول لج ولا اني اسكت
اتمنى ما تفهمين كلامي غلط اوتترجمينه بصيغه ثانيه
انتي ست حالج حالي
ماشاء الله عليج الله رزقج بجمال وصحه ..
لكن انا الي اشوفه من وقفتج بهالشكل جدام شباب الدائره مب عدل لصالحج وكذا
..
قولي بعد ان الشباب يطالعونج ويقولون كلام .. او ممكن يصورون ..والي يطلعون كلام
اعتقد انج تألفين ولو شويه بدون ذكر اسامي طبعا او تورطين حد ماراح يضر القضيه !!
وانتي بنت عربيه .. لو اجنبيه بقول كيفها .. لكن انا ما ارضى عليج !! وكذا
نصيحتي اختي لج اول يومين سوي عمرج بس اتسولفين وياها ولاتطريلها لبسها
لين ترتاح لج وبعدين كلميها وبأسلوب طيب وبابتسامه منج
والله يهدي الجميع ان شاء الله
ماشالله عليج ….
انشالله تهتدي على ايدينج يارب …
اول تقربي منهاااا
وقب اياام نصحيهااا
يا إختي هاذيل ما منهم فايدة..نحن وضفولنا وحدة بدوام جزئي..الله لا يراويج شوكانت تلبس..والرياييل كانوا يتكلمون لين ما مديرها كلم مدير الموارد البشرية..وهذا يقول إنت مديرها كلمها..وهذا يقول لا إنت كلمها..لين ما قرروا إن وحدة من البنات تكلمها..جان سكرتيرتنا تطوعت وقالت أمري لله..والله يودتها حزة بريك الصلاة وتكلمت وياها..وقالت حرام إنت تصلين وما أدري شو..قالت والله عادي..ريلي راضي..وأهلي كانوا راضين..وأنا أطلع المولات و كلمكان جذي..جان تفهمها إن هذا مكان عمل..وعيب الرياييل يتكلمون عنج..والله زعلت من ربيعتنا..وحتى قامت تتحاشانا وتلبس نفس قبل و أخس
ما نقدر نقول غير الله يهديهم
الله يهديها يعني هي ما تشوف الشباب.. ولا عيني عينك!!!
والله يحفظ النا رياييلنا من هالشر