وجبة صحية للحمية .مكعبات الدجاج **

مرحبا جميعاً…
مســــــــــــــــــاء الجـــــــــــــوري ..

هذي أول مرة أنزل في المنتدى طبخة لي .. عاد همتكم معانا بالتشجيع

الوجبة لذيذة ووايد سهلة ولا تاخذ وقت طويل أبداً..
و أحلى شيء إنها تصلح لأكثر من أكلة وكلها للريجيم فما بتملين من نفس الاكل ..
يعني ممكن تسوين الدجاج بهذي الطريقة ويكون معاه مكرونة القمح الكامل..
أو الدجاج مع سلطة خضراء و مكعبات توست محمصة..
أو الدجاج ومعاه ملعقتين عيش بدون زيت..
أو الدجاج وتسوينه ساندويتش تحشينه مع فلفل رومي و مايونيز لايت وخس ..

نبتدي بالمكونــــــــات لشخص واحد :
– نصف صدر دجاج بدون عظم أو جلد ( الإسلامي رهيب).

مكونات الصوص وهنا سر الطبخة :
– 1 ملعقة صغيرة خردل ديجون
– 1 ملعقة صغيرة صلصة صويا
– 1 ملعقة صغيرة خل تفاح أحمر
– 2 فص ثوم مهروس أو ممكن استعمال بودرة الثوم بمقدار نصف ملعة صغيرة
– رشة فلفل أسود

الطريـــــــــــــــــقـــــــــــــــة :
– يقطع الدجاج إلى مكعبات تقريباً بسمك إنش و طول 2 أو 3 سم .

– نجهز الصوص بخلط كل مقاديرها مع بعض بالمضرب اليدوي

– نضيف الصوص إلى الدجاج و نخلطه زيييين.

وبعدها نغطيه بالورق الشفاف و نتركه في الثلاجة لمدة 15 دقيقة و أكثر ..وإنتي وراحتج ..بس ربع ساعة تكفي تماماً ليأخذ النكهة ..

-بعدها خذي مقلاة من النوع غير اللاصق و إذا ما توفر لك رشي زيت إسبري رشة خفيفة على أي مقلاة عادية..واتركيها تسخن شوي
– حطي الدجاج و إبدأي بتحريكه واستمري بالتحريك مع الغضط شوي عليه بالملعقة حتى ينضج ..يأخذ تقريباً عشر دقايق حتى ينضج..وعشان تتأكدين من نضجه اضغطي بالمعلقة في وسط أي قطعة منه وشوفي إذا انتهى أو لا ..

– جهزي صحنك يعني إذا كان مكرونة أو عيش أو ساندويتش و اضيفي عليه الدجاج

– أنا صورت لكم غداي البارحة وكان سلطة ( خيار – خس – طماطم) + نصف ملعقة صغيرة تتبيلة رانش الجاهزة ..وممكن تحطي التتبيلة العادية اللي هي ليمون وزيت زيتون ..
وهذا هو الطـــــــــبـــــــــــق

والله يا بنات إنه لذييييييييييييييذ جداً
وإذا جربتيه ما راح تحبي وجبات الدجاج من غير هالطريقة..جربوه ودعواتكم