السلام عليكم
والله يابنات الهم ماكل قلبي..تجدمت الدورة ونزلت علي اليوم الفير..والله ااني تحطمت وتعبت..صحت صياح مايعلم فيه غير رب العالمين
ماخليت شي ماسويته..كلوميد وخذته..ابر وخذتهم..مساح ومسحت..تشييك انا وريلي شيكنا ومافينا شي والحمدلله
والله اني تعبببببببببت تعببببببببببببت ..مانفعتني لادكتووورة ولاهم يحزنووون..الدكاترة بس همهم الفلووووووووس وانا متلهفه ابا ياهل 
قلبي متقطع ومحد حاس فيني..الحين كملت سنه ونص وماعندي ياهل..وربيعاتي ماشاءالله كلهم الي عرسوا عقبي حملوا وعندهم يهال الله يحفظهم من كل سووووء..حتى والله مودريني كل وحده لاهيه بولدها
انا من اول ماعرست كنت ابا احمل على الاقل بعد 3 شهووور..والحين كملت سنه وشوي وانا احاول..صار عندي حمل ضعيف من شهرين والحمدلله على كل حال..نفسيتي دااااااون من الخاطر صرت اكره ايلس مع الناس..اكره اسولف مع ريلي..كله قاعده بروووحي واصيح..احس اني مخنوووقه..واخاف اني انكتبت عقيم ومااييب عيال استغفرالله العظيم
كل شهر اكون متفائله وعقبها اتحطم عدل
الحمدلله مداومه على الاستغفار وسورة البقرة..لكن الشيطان اييني وقت الدورة واييب لي 66 فكرة سووده
انا مليييييييت ومب عارفه شسوي..ابا ياهل..ابا اجرب الحمل واحس انه فيه شي يتحرك فبطني..ابا اجرب احساس الامووومه ..
ماااقدر انسى الحمل لاني يالسه في البيت ومااشتغل
اللهم كما رزقت مريم العذراء بعيسى وهي من غير زوج ارزقني
يارب ارحمني ولاتكلني الى نفسي طرفة عين
ادعوا لي خواتي
اللهم كما رزقت مريم العذراء بعيسى وهي من غير زوج ارزقها
الله يصبررررج اختي
اللهم اني استغفرك انك غفارا ارسل السماء لي ولاخواتي مدرارا وارزقني واياهن بالذرية الصالحه
اللهم لاتذرني فردا وانت خير الوارثين..
الله كريم اختي
الصبر مفتاح الفرج
انا اعرف وحدة تمت 15 سنه وبعدين يابت توم
دامي على الاستغفار وقراءة القران
وانشاء الله
بتحصلين مرادج
تقبلي مروري
اختج
غايه المنى
السلام عليكم ورحمة الله وبركاته
اختي عليج بالصبر
والدعاء وقيام الليل والاستغفار
وحاولي تغيرين نفسيتج شوي
يعني سجلي في معهد خذي دورة في اي شي
وعيشي حياتج طبيعية
لاتنسين ريلج لاتقصرين معاه في شي بالعكس خلي هالشي يقربج من ريلج اكثر
حالج مابيتغير اذا تميتي على هالحال بتخسرين نفسج
هذا اختبار من رب العالمين اصبري فديتج
ويارب يرزقج بالذرية الصالحة السليمة المعافاة
اللهم اني استغفرك انك غفارا ارسل السماء لي ولاخواتي مدرارا وارزقني واياهن بالذرية الصالحه
اللهم لاتذرني فردا وانت خير الوارثين..
حبيبتى والله كلنا نفس حالتك بس نصيحه لا تفكرى بالحمل لان التفكير ياثر جامد حاولى تنشغلى باى شئ ثانى وان شاء الله ربى يكتبلك الحمل وتفرحى باذن الله