السلام عليكم بنات
اكيد تذكرون موضوعي الي كتبته من اسبوعين تقريبا
عن ريلي الي ايسافر سوريا
سافر وقعد هناااااك اسبوع ورجع
والحين امس بالليل قاعدين نرمس مع بعض شحلاتنا وشزينا
وفجاة قالي يافلانه ترااااني انا بسافر سوريا نهاية هذاااااااا
الشهر زين ليش شوه السبب الي ايخليك دوم اتسير سوريا
قالي والله شغل وانا الي اعرفه انه لاعنده شغل ولاغيره
بس قعد يحلفلي انه ايحبني وما في حد ابحياته غيري وان كل بنات الدنيا
ما تغنيه عني وانه ما عده شي فسوريا من الي انا فاهمته
والحين شوه اسوي وياه والله اني تعبت وما قادره افكر
سافري وياه
الله يعينج والله ,,,
حاولي تتقربين منه اكثر واكثر
دوم اكشخي له ودلعيه وتدلعي عليه
حاولي تكونين دوم معاه عشان مايفكر يسافر لانه بيفتقدج
والله ييسر امورج
حاولي تلهينه ,, عن السفرر ..
او قوليله ريلي ع ريلك .. << انا بعد ابا اتفسح هب انت بس ,,
^_________^
الله يسخره لج ان شاء الله ^_^
سيري وياه
لو عنده شغل قولي انج بتقعدين بالفندق
ومب لازم يطلعج
وكوني قد كلامج
ههههههههههههههه والله اتخيل شكله يوم بيدري
سيري معاه 
الشغل صبح و من العصر و طالع سياحة
سافري وياه ريلج على ريله