اشحالكن ؟
والله تعبت من ريلي اتخيلوا الحين صارلي 3 ايام وانا قاعده في بيت اهلي وهو خبر خير ولا يدري عني وعن ولده ..
يوم الخميس كان عندي موعد وانا ما عندي خدامه فقلت لريلي شو رايك اخلي ولدي عندك قال لا انا ما يخصني ووديه عند امج لان بيت اهلي قريب من بيتي قلت اوكيه قال خلاص انا بوديج بيت اهلج وباتي ويابني واتعشينا وكان يسولف ويضحك ومافيه شي وعقب رد البيت واتصل فيني وقال اقولج لا تتصلين ابا اخذ راحتي في الرقاد قلت اوكيه وانا اصلن من قال هالكلمه قلبي نغزني بس سكت واليوم الثاني اتصل فيه والله حرقت تلفونه ولا رد عليه يعني في حد يرقد من الساعه 10 لين 3 الظهر واتصل فيني ورد رقد لين 5 تقريبا ويوم نش اتصل فيني وقطع الخط رديت اتصل فيه قلتله شو فيه تلفونك قال ما عندي رصيد قلت انت من يومين محطي رصيد فوق ال 100 والحين خلص والله بس هالكلام قلتله قام جلب الدنيا على راسي انتي تشكين فيني وانتي ما تستاهلين شي وانتي وانتي وانتي ومالت عليج والبيت ما تدخلينه فاهمه وباخذ الثانيه عليج قلت الحين انا شو قلت عشان تسوي كل هذا ؟؟
واليوم جارتي متصله فيني تبا اطرش غدا قلت لها انا مب موجوده في البيت قالت انا قلت يمكن موجوده لان السياير موجوده تحت قلت لها ريلي رايح البحر وانا يايه بيت اهليه وانا والله صدق اتحراه رايح البحر لانه قالي بروح البحر الفير قبل ما نضارب بس الله كشفه وطلع مب رايح البحر وقلت ما عليه بروح ايب ثياب لولدي ورحت ابا افتح الباب طلع مقفول قلت يعني معقوله سواها وغير القفل ورديت بيت اهليه وانا مقهوره وعقب طرشتله مسج خل باب الشقه مفتوح ابا اشل ثياب للولد قال انا مب موجود في البيت قلت يعني عيني عينك تجذب انا ييت لين الشقه وسيارتك موجوده والله قام يسب طز فيج وبلعوزج وبتشوفين شي ما شفتيه وانا ما اكون فلان اذا ماحرقت قلبج وبطلقج جان اطرشله مسج انت لو تستحي ما بتسوي هالحركات وانا في شهري الاخير ورد يسب وانا باخذ الثانيه والباب ما بينفتح وانقلعي وتمي في بيت اهلج وطنشته وما رديت عليه ..
الحين انا ابا اعرف ليش يسوي كل هذا بس عشان قلتله انت من يومين محطي رصيد وخلص ؟!
بليز ساعدوني شو اسوي معاه لا تقولون اتصلي فيه لان اتصلت 3 مرات ومارد عليه وانا قلت خلاص هو اللي طردني من البيت ومابردله لين ما هو اييي ويشلني ..
الله يفرج همج يارب
ان شاء الله البنات يساعدونج
لا تتصلين لين ما يهدا ومسجات حلوة منج انشاالله يتغير
الله يهديييييييييييييييه يارررررررررررررربيه اممممممم سجلي حس ولدج يوم يرمس وطرشيه له يمكن يحن ويبا يشووفه سوي هالحركه وشوي ردت فعله وخبرينا يابت نتيجه ولاااااااااااا
ياالله الله يعينج على هالريل انا احس من كلامج انه مامقدرنج وحتى الولد مامهتم فيه
الله يهديه يارب ويصلحه ويسخره لج . انا اشوف لو تيلسين فبيت اهلج اذا كانت الظروف تسمح
وقطعيييييييييييييييييييه مووووووول لا اتصالات ولا شي وشوفي شو بيسوي
حتى اذا ربيتي والله يقومج بالسلامه لا تتصلين فيه شوفي هو شو يسوي يسال عنج واييج المستشفى ولا لا
جانه ما يا ولا اهتم خلاص غسلي ايدج منه مايستاهلج
بس ان شالله الله يهديه ويسخرلج اياه
ماحب اني اظن بريلج ظن سوء بس الغاليه
المكتوب مبين من عنوانه
على قولته يبا ياخذ الثانيه؟؟؟
ليش انتي بشو قصرتي معاه؟؟؟ اكيد ماقصرتي
بس الغاليه لازم تعرفين انه بنات الحرام يحومن على بيتج وعينهن على ريلج
وغايتهن يدمرن علاقتج بريلج وناويات على خراب البيوت
لا تتصلي به خبري اهلج عن اللي صار
خليه يعرف انه وراج رياييل مب ماخذنج من الشارع
وعادي تمي عند اهلج ان شاءالله لين تولدين
وساعتها بتشوفين لانه بنات الحرام مايدومن
كله لعبان يوم ولا يومين وعقب هو بيشبع منهن وهن بعد بيشبعن منه
والله يفرج همج ياااارب ويسهل عليج الولاده
ادعي لي بالحمل عاجل غير آجل يااارب وانا بدوري راح ادعي لج من كل قلبي
السموحه
خلي اخوج يتفاهم وياه شوو الدنيا فوضى مني ودرب يبا يطلقج ؟؟؟