السلام عليكم ورحمة الله وبركاته….
قلت بكتب في هذا القسم لانه الاغلبيه يشوفونه…وبطرح المشكله على طول …
ولدي عمره سنه ونص …انا ناااويه افطمه ..
وماشاءالله عليه ..مب طايع…
حاولت عدة طرق وياه…
حطيت ملح وعاااادي ..عيبه حليب بالملح ..
وحطيت لزقه وايدين …وصبغ الظفووور احمر …بس ماشي فايده
والله قاص عليه …في النهار يهز راسه مابا ويصد الصوب الثاني..بعد
وفي الليل يصيح ويصيح ويصيح …ابا ابا ديدي
وانا لاني ما ارضعه في النهار …فمافيه حليب…ويعورني في الليل يوم يرضع
بس تعبانه وياه …من ولدت وانا لين اليوم ما رقدت ليله هنيه
لازم ينش …في الليله 3 مرات او مرتين او اربع
عطوني حل بليييييييييز يزاكمم الله خير
أولا الله يجعله لج من الذرية الصاالحة يا رب،،
ثانيا والله ما أظني بقدر أنفعج لأني بعدني ما استويت أم،،
ولكن ليش ما تكلمين الطبيبة الخاصة فيج، سبحان الله يمكن تفيدج أو تساعدج،،
أو ليش ما تحاولين تعودينه يشرب مثلا حليب مع شوكولاته،، كإغراء تسوينله،،
الله ايسر أمورج يا رب،،
حطي مر
وبيحس بمرارة وبيودر
اختي كل ما يصيح حطله ماي احنا نسويه شذي لليهال اليه نباهم يناموا طوول الليل
يعني كل ما يصيح يبي حليب حطي ماي بدل الحليب لانه الماي يشبع و ان شالله بعد فتره قصيره يريح وينام
والله حتى انا محتارة كيف افطم بنتي
اختي كانت تحط شعر على صدرها صار يوم يطلعه ويشوف الشعر مدري يقرف مدري يخاف المهم فلاخير فطمته جربي
للرفع