شخباركم ؟؟؟
بعد تفكير طويل اخيرا قررت أركب تقويم حق أسناني لأنهم مب مرتبات وااايد
الكل يقولي انهم مب وايد مبينين وانهم عاديات بس أنا مب مقتنعه فيهم وحبيت أعدلهم
بنات تخيلو يوم الأربعاء والخميس بخلع أربع أسنان (بموت من الخوف).gif "12 (78)")
ويوم السبت ان شاء الله بركب التقريم حق أسناني وواااااااااااايد خايفه لأني بصراحه سمعت أشياء ما تشجع
من الاشياء الي قالولي بتضعفين وااايد وما تقدرين تاكلين وراسج بيعورج وااايد وما تنامين وشفايفج بتورم
بنات الله يخليكم الي عندها ادنى فكره ما تبخل علي لأني وايد أحاتي
ويزاكم الله كل خير وفرج عنكم همومكم
وشكرا
خلج كول حبيبتي ^^
ولا تخافين لان الخوف بيزيد الويع^^
اول ايام بتحسين بالم وصداع وما بتعرفين تاكلين بس ترومين
بعدين عادي
الالم لانه شي يديد دخل بالفم بس
ومب الكل يقلعون ضروسهم ، يمكن فك اسنانج صغير وضروسج وايد وعشان يردون الاسنان لين ورا يبالهم مساحه فيكسرون اسنان الخلفيه
اول شي بيسوون مخدر موضعي للضرس اللي بينقلع والمخدر بيروح بعد ساعتين او اقل بعدين بتحسين بالم عقب بيختفي بحدود اقل من اسبوع
اذا انتي من ابوظبي او العين اصلن ما بتطلع موافقه التقويم الا اذا الدكتور قالج تحتاجين والدكتور ياخذ موافقته من شركه ضمان اذا كان عندج بطاقه ثقه
سوي وما عليج كم بيوم بتتحملي الالم بس بعد سنتين او سنه اسنانج بتطلع حلوه
المشاركة الأصلية كتبت بواسطة احتاجك.. 
ولا تخافين لان الخوف بيزيد الويع^^
مشكوره الغاليه
يسلموووووووووووو
عادي انا كنت مسويه مثلج بضبط
لازم شوي ويع
بس اشربي شوربه واشياء دافيه لانج مابتقدرين تاكلين
بس اول الايام عقب عادي
توكلي على الله
بيقلعون اربع اسنان الله يعينج
باجر يوم بتكبرين بتحتايينهن هالاربع
اذا شايفه ماله داعي واسنانج مثل ماقالولج مايبالهم لا تسوينه
المشاركة الأصلية كتبت بواسطة رحباويه باجر يوم بتكبرين بتحتايينهن هالاربع
اذا شايفه ماله داعي واسنانج مثل ماقالولج مايبالهم لا تسوينه
الدكتور قال يبالي قلع عسب في ازدحام بالاسنان
هي صح أكيد وايد صعب عسب جي أنا قاعده احاتي وااايد
بس بنفس الوقت متشوقه أشوف اسناني صف واحد وحلوييين
يسلمو الغاليه