علي طول المقادير
دجاجه مسلوقه ومقطعه قطع صغيره (بدون عظم)
جزر مبشور عدد 3
فلفل بارد قطع صغيره 1
جبن قلاص 1
كريمه 1
التحضير:نأتي بالدجاجه ونضعها في جدر علي النار ثم نضيف الجزر والفلفل وقليل من البهارات ونقلبها قليلا .نأتي بخبز الصاج ونقطعه شرائح طوليه ونحشيها بالخلطه ونصفها بالبايروكس ثم نخلط الجبن مع الكريمه ونصبهم فوق
الخبز ونرش فوقها قليلا من الموزرلا ونضعها في الفرن ليين يصير لونه من فوق اشقر وبالهنا والشفا
والله لذيذه جربيها لابو الشباب راح يستانس عليها وبعد ما ياكل أطلبي اللي تبين منه مايردج مجربتها مع حبيبي بوناصر فديته
بس انتبهي تري فيها سعرات حراريه كثيره(تسمن)
تسلم يمناج حبيبتي أم العفاسي يعطيج العافية ..
تسلم ايدج الغالية .. ان شاء الله بجربها …
ما شاء الله
تسلمين الغالية
تسلمين اختي امبين انها لذيذه
امممممممم بسألج شو نوع الكريمه ؟
ومن وين أشتري خبز الصاج؟؟
ألف شكر علي المرور
جربوها والله بتعجبكم
بالنسبه للكريمه احنا بالكويت عندنا
كريمة KDD وخبز الصاج من أي جمعيه
أو مخبز .
د فديييييييييييييييييييييييييت الأمارات وأهلها