.
.
من فتره يو ناس يخطبون وحده .. وقبل لا تستوي الخطوبه الرسميه اتفقت ام الريال اللي بيخطب مع ام اللي بيخطبها على أنه الريال يشل البنت وين ما اشتغل … يعني اذا في دبي يشلها دبي.. المهم انها ماتسكن عند اهله ..
كل شي كان تمام واوكي .. يا يوم الخطوبه الرسميه .، الولد قال انا مااقدر حاليا اوفر بيت وانا وين ما بشتغل بشلها وياي .. أبو البنت مصر عالبيت .. لكن ماكان عنده مانع انها تعيش عندهم لفتره مؤقته ..
مر شهر .. اتصلت اخت الخطيب اتقول انتو فاجئتونا .. واخوي ما يقدر يوفر البيت لها .. وحتى لو اشتغل في دبي ولا الشارجه لا تفكر انها تروح وياه بتسكن ويانا في البيت وهو بيروح وبيرجع لها ..
المهم اتغير كلامهم .. ام البنت قالت ليش ما قالو هالكلام من قبل .. خلاص بنتنا عندنا وولدهم عندهم .. ماشي نصيب،، مع العلم .. انه البنت عايشه في مدينه كبيره واذا صار نصيب بتنتقل تعيش في قريه .. أحس هالشي كان المفروض يكون في الاعتبار بالنسبه لاهل الريال .. ويقدرون وضع البنت .. ويوفرون لها بيت ..
.
.
شو المفروض يكون راي البنت .. ؟
شو رايكم في موقف الأم .. ؟
وهل أهل الريال بالحركه اللي سووها على حق ؟
المشكله ان اهله ادخلوا المفروض الاب مع الزوج يتفقون بس
الله يعينها البنيه
فرّج همي ويسّر أمري……..وارحم ضعفي وقلة حيلتي
وارزقني من حيث………..لا أحتسب يا ربّ العالمين
لا حول ولا قوه الا بالله
اعتقد مو شرط يوفر لها بيت دام ان شغله غير مستقر والوحده تصبر بالاول ولا تقطع نصيبها والله كريم
الحرمة لازم تسكن وين ما يكون ريلها و بالعكس تروح وين ما يشتغل ريلها و تسكن هناك او حتى ادور لها شغل هناك
بس المفروض يتفقون على ك لشي من البداية