مرحبا صبايا
انا من اليوم الي ولدت فيه و دورتي غير منتظمة نزلت بعد شهرين من ولادتي و هي تجيني كل شهر بس مو كل 28يوم مثل قبل يعني مرة كل 29 يوم و مرة كل 30 يوم لعلمكم انا برضع رضاعة طبيعية
ارجوكم افيدوني انا محتارة
انا يتني الدورة بعد الولادة تقريبا بخمس او ست شهور …. وتمت غير منتظمة مثلا شهر 10 يت في بداية الشهر و شهر 11 ما يت وشهر 12 يت في 24 في الشهر وعقبها حملت لاني وقفت الرضاعة في بداية شهر 12 …. فانا كانت طبيعي عندي انها متلخبطة من الرضاعة لانها تاثر على الهرمونات ….
فديتج انا ارضع ودورتي مش منتظمه سالت دكتوره قالت لي اللخبطه سببها هرمون الحليب يعني عادي
فينكم صبايا انا عم بنتظر افاداتكم
بعد الولادة الهرمونات تكون بعدها ملخبطة شوي .. والرضاعة بعد تأثر
يعني طبيعي الدورة تاخذ وقت لين ترد تنتظم ..
أو حتى لو انقطعت فترة يكون طبيعي (أنا عقب ما ربيت يتني الدورة مرة وحدة عقب الأربعين وماشفتها مرة ثانية الا عقب 7 شهور!)
نعم
المرضع دورتها غير منتظمة
بعد الولادة الهرمونات تكون بعدها ملخبطة شوي
فلاتحاتين …